நாட்டில் கரோனா சிகிச்சையில் 1,490 பேர்!

நாடு முழுவதும்  கரோனா சிகிச்சையில் உள்ளவர்களின் எண்ணிக்கை 1,490 ஆகக் குறைந்துள்ளது. 

கரோனா பாதிப்பு விவரங்களை மத்திய சுகாதாரத் துறை அமைச்சகம் நாள்தோறும் வெளியிட்டு வருகிறது. அதன்படி, இன்று புதிதாக 53 பேர் கரோனாவால் பாதிக்கப்பட்டுள்ளனர். இதையடுத்து மொத்த பாதிப்பு 4.49 கோடியாகும். 

இதையும் படிக்க: இந்தியாவுக்கு தீங்கிழைக்க முயன்றால் தகுந்த பதிலடி: ராஜ்நாத் சிங் எச்சரிக்கை

இன்று காலை 8 மணி அறிக்கையின்படி கரோனா பாதித்து  இறந்தவர்களின் எண்ணிக்கை மொத்தம் 5,31,907 என தெரிவிக்கப்பட்டுள்ளது. 

கரோனா பாதிப்பிலிருந்து மீண்டவர்களின் எண்ணிக்கை 98.81 சதவிகிதமாக உள்ளது. அதே நேரத்தில் இதுவரை 1.18 சதவிகிதம் பேர் கரோனா பாதித்து இறந்துள்ளனர். 4,44,60,884 பேர் கரோனா நோய்த்தொற்றிலிருந்து மீண்டுள்ளனர். 

நாடு தழுவிய தடுப்பூசி இயக்கத்தின் கீழ் இதுவரை 220.66 கோடி தடுப்பூசிகள் செலுத்தப்பட்டுள்ளன.