அவதூறு வழக்கு: உச்சநீதிமன்றத்தில் ராகுல்காந்தி மேல்முறையீடு

அவதூறு வழக்கில் குஜராத் உயா்நீதிமன்ற உத்தரவை எதிா்த்து ராகுல்காந்தி தரப்பில் உச்சநீதிமன்றத்தில் மேல்முறையீடு செய்யப்பட்டுள்ளது. 

2019, மக்களவைத் தோ்தலையொட்டி கா்நாடகத்தில் பிரசாரத்தில் பேசிய ராகுல், மோடி சமூகத்தினரை இழிவுபடுத்தியதாகக் கூறி குஜராத் பாஜக எம்எல்ஏ பூா்ணேஷ் மோடி வழக்குத் தொடுத்தாா். இந்த வழக்கை விசாரித்த சூரத் விசாரணை நீதிமன்றம், ராகுலுக்கு 2 ஆண்டுகள் சிறைத் தண்டனை விதித்து கடந்த மாா்ச் 23-ஆம் தேதி தீா்ப்பளித்தது. 

குறைந்தபட்சம் இரு ஆண்டுகள் சிறைத் தண்டனை விதிக்கப்பட்டால் மக்கள் பிரதிநிதித்துவச் சட்டப்படி மக்கள் பிரதிநிதியாகத் தொடர முடியாது. 

அதன் அடிப்படையில், மக்களவை உறுப்பினா் பதவியிலிருந்து ராகுல் தகுதிநீக்கம் செய்யப்பட்டாா்.சூரத் நீதிமன்றம் விதித்த தண்டனையை ரத்து செய்யக் கோரியும், ஜாமீன் கோரியும் ராகுல் தாக்கல் செய்த மேல்முறையீட்டு மனுவை விசாரித்த சூரத் அமா்வு நீதிமன்றம் ராகுலுக்கு ஜாமீன் வழங்கி கடந்த ஏப்ரல் 20-ஆம் தேதி உத்தரவிட்டது. ஆனால், அவரது தண்டனைக்கு தடை விதிக்க மறுத்துவிட்டது.

இதையும் படிக்க- பழம்பெரும் மராத்தி நடிகர் ரவீந்திர மகாஜனி சடலமாக மீட்பு

தண்டனைக்கு தடை கோரி குஜராத் உயா்நீதிமன்றத்தில் ராகுல் தரப்பில் மனு தாக்கல் செய்யப்பட்டது. இந்த மனுவை விசாரித்த உயா்நீதிமன்ற நீதிபதி ஹேமந்த் பிரச்சக், ‘சட்டப்படி சரியான உத்தரவை விசாரணை நீதிமன்றம் வழங்கி உள்ளது. இதில் தலையிட வேண்டிய அவசியமில்லை. எனவே, ராகுலின் மேல் முறையீட்டு மனு மீது அமா்வு நீதிமன்ற நீதிபதி விரைந்து சட்டப்படி நடவடிக்கை எடுக்க வேண்டும். 

ராகுலின் மனு தள்ளுபடி செய்யப்படுகிறது’ என்று கடந்த 7-ஆம் தேதி தீா்ப்பளித்தாா். இந்த நிலையில் குஜராத் உயா்நீதிமன்ற உத்தரவை எதிா்த்து ராகுல்காந்தி தரப்பில் உச்சநீதிமன்றத்தில் இன்று மேல்முறையீடு செய்யப்பட்டுள்ளது. குஜராத் உயர்நீதிமன்றம் ராகுல்காந்தியின் மேல்முறையீட்டு மனுவை தள்ளுபடி செய்த நிலையில் அவர் உச்சநீதிமன்றத்தில் மனுத் தாக்கல் செய்துள்ளார் என்பது குறிப்பிடத்தக்கது.