தில்லியில் காங்கிரஸ் தலைவர் மல்லிகார்ஜுன கார்கேவை கர்நாடக முன்னாள் முதல்வர் சித்தராமையா இன்று (மே 16) மாலை நேரில் சந்தித்துப் பேசினார்.
மல்லிகார்ஜுன கார்கேவுடன் கர்நாடக காங்கிரஸ் தலைவர் டி.கே. சிவக்குமார் சந்தித்த நிலையில், தற்போது சித்தராமையாவும் சந்தித்துள்ளார்.
கர்நாடக சட்டப்பேரவைத் தேர்தலில் காங்கிரஸ் கட்சி பெரும்பாலான இடங்களைக் கைப்பற்றி வெற்றி பெற்றது.
224 தொகுதிகளைக் கொண்ட கர்நாடக சட்டப்பேரவைத் தேர்தலில் காங்கிரஸ் கட்சி பெருவாரியான (136) இடங்களைக் கைப்பற்றி வெற்றி பெற்றது. ஆட்சி அமைப்பதற்கு 113 இடங்கள் தேவை. இதைத் தொடா்ந்து, ஆட்சி அமைக்கும் நடவடிக்கைகளில் காங்கிரஸ் ஈடுபட்டு வருகிறது.