கர்நாடக அமைச்சர்கள் யார்? 8 பேரின் பட்டியல் வெளியீடு!

கர்நாடக முதல்வர், துணை முதல்வருடன் இன்று (மே 20) பொறுப்பேற்கவுள்ள அமைச்சர்களின் பட்டியல் வெளியிடப்பட்டுள்ளது. 

கா்நாடகத்தின் 24-ஆவது முதல்வராக சித்தராமையா இன்று பதவியேற்கவிருக்கிறாா். அவருடன் துணை முதல்வராக டி.கே.சிவகுமாா் பதவிப் பிரமாணம் எடுத்துக் கொள்கிறாா். 
அமைச்சா்களாக 25 முதல் 28 போ் பதவியேற்கத் திட்டமிடப்பட்டுள்ளது. இதில், இன்று பதவியேற்கும் 8 அமைச்சர்களின் பட்டியல் வெளியிடப்பட்டுள்ளது.

அமைச்சர்களாக பரமேஸ்வரா, கே.எச். முனியப்பா, கே.ஜே. ஜார்ஜ், எம்.பி.பாட்டீல், சதீஷ் ஜார்கிஹோலி, பிரியங்க் கார்கே, ராமலிங்க ரெட்டி, ஷமீர் அகமதுகான் உள்ளிட்டோர் அமைச்சர்களாக பொறுப்பேற்கின்றனர். 

இதில் பிரியங்க் கார்கே என்பவர் காங்கிரஸ் கட்சி தலைவரான மல்லிகார்ஜுன கார்கேவின் மகனாவார். 

கா்நாடக சட்டப்பேரவைத் தோ்தலில் 135 இடங்களில் வெற்றிபெற்றுள்ள காங்கிரஸ், 5 நாள்கள் இழுபறிக்குப் பிறகு சித்தராமையாவை முதல்வராகவும், டி.கே.சிவகுமாரை துணை முதல்வராகவும் தோ்ந்தெடுத்துள்ளது.

பெங்களூா், கஸ்தூா்பா சாலையில் அமைந்துள்ள கண்டீரவா விளையாட்டுத் திடலில் நண்பகல் 12.30 மணிக்குத் தொடங்கும் விழாவில், கா்நாடகத்தின் புதிய முதல்வராக சித்தராமையாவும் (61), துணை முதல்வராக டி.கே.சிவகுமாரும் (61) ஆகியோா் பதவியேற்க இருக்கிறாா்கள்.