தங்கம் விலை அதிரடி குறைவு! எவ்வளவு?

சென்னையில் ஆபரணத் தங்கத்தின் விலை இன்று(மார்ச் 19) சவரனுக்கு ரூ. 2,160 குறைந்து ரூ.1,14,400-க்கு விற்பனை செய்யப்படுகிறது.

சென்னையில் தங்கம் விலை கடந்த சில நாள்களாக தொடர்ந்து குறைந்த வண்ணம் உள்ளது.

இந்த வாரத்தின் முதல் நாளான திங்கள்கிழமை விலை கிராமுக்கு ரூ. 400 குறைந்து சவரன் ரூ. 117,680-க்கு விற்பனை செய்யப்பட்டது. தொடர்ந்து, மூன்று நாள்களாக தங்கத்தின் விலை குறைந்து செவ்வாய் ரூ. 117,200-க்கும், புதன் ரூ. 116,560-க்கும் விற்பனையானது.

இந்த நிலையில், நான்காவது நாளாக வியாழக்கிழமை காலையும் சவரனுக்கு ரூ. 2,160 குறைந்து ரூ.1,14,400-க்கு விற்பனை செய்யப்படுகிறது. ஒரு கிராமின் விலை ரூ. 14,300 ஆகும்.

வெள்ளி விலையும் அதிரடியாக கிலோவுக்கு ரூ. 10,000 குறைந்துள்ளது. ஒரு கிராம் ரூ. 265-க்கும், ஒரு கிலோ ரூ. 2,65,000-க்கும் விற்பனை செய்யப்படுகிறது.