ராஜஸ்தான் தேர்தல்: 5-ம் கட்ட வேட்பாளர் பட்டியலை வெளியிட்டது ஆம் ஆத்மி!

ராஜஸ்தான் சட்டப்பேரவைத் தேர்தலில் ஆம் ஆத்மி கட்சி சார்பில் போட்டியிடும் 2 பேர் கொண்ட ஐந்தாம் கட்ட வேட்பாளர் பட்டியலை இன்று (நவம்பர் 6) அக்கட்சி வெளியிட்டது. 

ஆம் ஆத்மி கட்சி முதற்கட்ட பட்டியலில் 23 வேட்பாளர்களையும், 2-ம் கட்ட பட்டியலில் 21 வேட்பாளர்களையும், 3-ம் கட்ட பட்டியலில் 16 வேட்பாளர்களையும், 4-ம் கட்ட பட்டியலில் 26 வேட்பாளர்களையும் அறிவித்தது.

200 தொகுதிகளைக் கொண்ட ராஜஸ்தான் சட்டப்பேரவைத் தேர்தலில் வேட்புமனு தாக்கல் செய்வதற்கு நவம்பர் 6 கடைசி நாளாகும். அதன்படி இன்று அறிவிக்கப்பட்டுள்ள 2 வேட்பாளர்களையும் சேர்த்து, ராஜஸ்தானில் 88 தொகுதிகளில் வேட்பாளர்களைக் களமிறக்கியுள்ளது ஆம் ஆத்மி கட்சி.

இதேபோல சத்தீஸ்கரில் 57 தொகுதிகளிலும், மத்திய பிரதேசத்தில் 70 தொகுதிகளிலும் அக்கட்சி போட்டியிடுகிறது. 

இதையும் படிக்க: ராஜஸ்தான் பாஜக பிரமுகருக்கு, பஞ்சாப் மாநில பாஜக தலைவர் கடும் கண்டனம்!

ராஜஸ்தானில் நவம்பர் 25-ஆம் தேதி வாக்குப்பதிவு நடைபெறவுள்ளது. டிசம்பர் 3 அன்று வாக்குகள் எண்ணப்பட்டு, தேர்தல் முடிவுகள் அறிவிக்கப்படும். 

2018-ஆம் ஆண்டு சட்டப்பேரவை தேர்தலில் காங்கிரஸ் 99 தொகுதிகளில் வெற்றி பெற்று ஆட்சியமைத்தது. பாஜக 73 தொகுதிகளில் வெற்றி பெற்று எதிர்க்கட்சி அந்தஸ்தைப் பிடித்தது குறிப்பிடத்தக்கது.