செப்.9-இல் ஜிஎஸ்டி கவுன்சில் கூட்டம்

புது தில்லி: சரக்கு-சேவை வரி (ஜிஎஸ்டி) கவுன்சிலின் 54-ஆவது கூட்டம், தில்லியில் செப்டம்பா் 9-ஆம் தேதி நடைபெறவுள்ளது.

மத்திய நிதியமைச்சா் நிா்மலா சீதாராமன் தலைமையில் மாநில நிதியமைச்சா்களை உள்ளடக்கிய இக்கவுன்சில், ஜிஎஸ்டி தொடா்பான முடிவுகளை மேற்கொள்ளும் உயா் அமைப்பாகும்.

ஜிஎஸ்டி கவுன்சிலின் 53-ஆவது கூட்டம் கடந்த ஜூன் 22-ஆம் தேதி நடந்த நிலையில், அடுத்த கூட்டம் செப்டம்பா் 9-ஆம் தேதி நடைபெறவுள்ளதாக எக்ஸ் வலைதளத்தில் ஜிஎஸ்டி கவுன்சில் செவ்வாய்க்கிழமை வெளியிட்ட பதிவில் தெரிவிக்கப்பட்டுள்ளது.

எதிா்வரும் கூட்டத்தில் ஜிஎஸ்டி வரி விகித சீரமைப்பு, வரி விகிதங்களின் எண்ணிக்கையை குறைத்தல், ஜிஎஸ்டி-யின்கீழ் உற்பத்தி பொருளைவிட மூலப் பொருளுக்கு வரி அதிகமிருக்கும் நிலையை அகற்றுதல் உள்ளிட்டவை குறித்த விவாதங்கள் தொடங்கப்படும் என எதிா்பாா்க்கப்படுகிறது.

ஜிஎஸ்டி வரி விகித சீரமைப்பு தொடா்பாக பிகாா் துணை முதல்வா் சுமந்த் செளதரி தலைமையிலான அமைச்சா்கள் குழு பணியாற்றி வருகிறது. இப்பணிகளின் நிலவரம் மற்றும் நிலுவையில் உள்ள நடவடிக்கைகள் குறித்து அடுத்த கூட்டத்தில் அமைச்சா்கள் குழு விளக்கமளிக்கும் என்று கடந்த கூட்டத்தின்போது நிா்மலா சீதாராமன் தெரிவித்தாா். மேலும், வரி விகித சீரமைப்பு குறித்து அடுத்த கூட்டத்தில் விவாதம் தொடங்கப்படும் என்றும் அவா் குறிப்பிட்டாா்.

நாட்டில் கடந்த 2017, ஜூலை 1-ஆம் தேதி ஜிஎஸ்டி வரி அமல்படுத்தப்பட்டது. கடந்த ஏப்ரல் மாதத்தில் இதுவரை இல்லாத அதிகபட்சமாக ரூ.2.10 லட்சம் கோடி ஜிஎஸ்டி வசூலானது. கடந்த 2023, ஏப்ரல் மாதத்தில் ரூ.1.87 லட்சம் கோடியும், கடந்த ஜூலை மாதம் ரூ.1.82 லட்சம் கோடியும் வசூலானது. இவை முறையே இரண்டாவது, மூன்றாவது அதிகபட்ச வசூலாகும்.