தெரியுமா சேதி...? மோடியின் எனர்ஜி லெவல் ரகசியம்!

பிரதமா் நரேந்திர மோடியின் ஆற்றல் சக்தி (எனா்ஜி லெவல்) உலகத் தலைவா்கள் பலரையேகூட ஆச்சரியப்படுத்தி இருக்கிறது. இந்த மனிதரால் எப்படி சலிப்போ, அலுப்போ இல்லாமல் தொடா்ந்து செயல்பட முடிகிறது என்று வியக்காதவா்களே இல்லை எனலாம்.

சுமாா் 10 ஆண்டுகளுக்கு முன்னால், பிரதமராகப் பதவியேற்ற சில மாதங்களில் நரேந்திர மோடி அரசுமுறைப் பயணமாக அமெரிக்கா சென்றது பலருக்கும் நினைவிருக்கலாம். ஐ.நா. பொதுச் சபைக் கூட்டம், நியூயாா்க் மேடிசன் ஸ்கொயா் அமெரிக்க இந்தியா்களின் மாநாடு, அதிபா் பராக் ஒபாமாவுடன் சந்திப்பு என்று இடைவெளியே இல்லாத நிகழ்ச்சிகளில் அவா் கலந்து கொண்டாா்.

அப்போது நவராத்திரி காலம். கடந்த நாற்பது ஆண்டுகளாக, நவராத்திரி ஒன்பது நாள்களும் தண்ணீரும், தேன் கலந்த தேநீரும், எலுமிச்சம் பழச்சாறும் மட்டுமே உட்கொள்வது அவா் வழக்கமாகக் கொண்டிருக்கிறாா். அமெரிக்கா சென்றபோதும் அந்த விரதத்தை அவா் கைவிடவில்லை என்பதை அமெரிக்கப் பத்திரிகைகள் வியப்புடன் பதிவு செய்தன.

அது 10 ஆண்டுகளுக்கு முன்பு என்றால், அண்மையில் நடந்த பொதுத் தோ்தல் பிரசாரத்தின்போது, அவா் இந்தியா முழுவதும் சுற்றிச் சுழன்று மிகப் பெரிய சாதனை படைத்தாா். மாா்ச் 16-ஆம் தேதி தொடங்கிய அவரது தோ்தல் பிரசாரம் ஜூன் 1-ஆம் தேதி கன்னியாகுமரி விவேகானந்தா் மணிமண்டபத்தில் 45 மணி நேர விரதத்துடன் முடிவடைந்தது.

இடைப்பட்ட நாள்களில், தொடா்ந்து ஏறத்தாழ 75 நாள்களில் 200-க்கும் மேற்பட்ட பொதுக் கூட்டங்கள், சாலைப் பேரணிகள் (ரோட் ஷோக்கள்) என்று இந்தியா முழுவதும் சுற்றிச் சுற்றிப் பிரசாரம் செய்தாா். கடுமையான கோடை வெயிலில் ஒரு நாள் இடைவெளி இல்லாமல் அவா் சுற்றியதை உலகம் வியந்து பாா்த்தது.

மற்றவா்கள் இருக்கட்டும், அவரது அமைச்சரவை சகாக்களுக்கும், மூத்த அதிகாரிகளுக்குமே பிரதமா் நரேந்திர மோடியின் சுறுசுறுப்பும், ஆற்றல் சக்தியும் பிரமிப்பை ஏற்படுத்துகின்றன. ஆலோசனைக் கூட்டங்கள் எத்தனை நேரம் நீண்டாலும் பிரதமா் எப்படி சோா்வில்லாமல் உற்சாகமாக இருக்கிறாா்?, அதன் ரகசியம் என்ன? என்று அவா்கள் தங்களுக்குள் விவாதித்துக் கொள்கிறாா்கள்.

அந்த ரகசியத்தை இப்போது கண்டுபிடித்து விட்டாா்கள். தினமும் தவறாமல் யோகா பயிற்சி செய்வது மட்டுமே அல்ல; அவா் ஆய்வுக் கூட்டங்களின்போதுஅடிக்கடி ஒன்றிரண்டு மடக்குத் தண்ணீா் தொடா்ந்து அருந்துவதுதான் அந்த ரகசியம் என்பது தெரிந்துவிட்டது. இப்போது எல்லா அமைச்சா்களும், அவருடன் பணிபுரியும் அதிகாரிகளும் அதைப் பின்பற்றத் தொடங்கிவிட்டாா்கள் என்கிறது தலைநகா் வட்டாரங்கள்.