மேற்கு வங்கத்தில் பீரங்கி அழிப்பு ஏவுகணை பயிற்சி

மேற்கு வங்கத்தின் தீஸ்தாவில் உள்ள சோதனைக் களத்தில் பீரங்கிகளைத் தாக்கி அழிக்கும் (ஏடிஜிஎம்) பயிற்சியை ராணுவத்தின் கிழக்குக் கட்டுப்பாட்டு தலைமையகம் மேற்கொண்டதாக இந்திய ராணுவம் வியாழக்கிழமை தெரிவித்தது. திரிசக்தி படைப் பிரிவின்கீழ் கடந்த மாதம் 20 முதல் 28-ஆம் தேதி வரை நடைபெற்ற இந்தப் பயிற்சியில் ‘ஒரு பீரங்கிக்கு ஒரு ஏவுகணை’ இலக்காக 260-க்கும் அதிகமான ஏவுகணைகள் பயிற்சியின்போது சோதித்துப் பாா்க்கப்பட்டன. சூழ்நிலைகளுக்கு ஏற்ப செயல்படும் விதமாக நிலத்திலிருந்தும் ராணுவ வாகனங்கள், ஹெலிகாப்டா்கள் ஆகியவற்றிலிருந்தும் ஏவுகணைகள் செலுத்தப்பட்டன. மூத்த ராணுவ அதிகாரிகள் மேற்பாா்வையில் நடைபெற்ற இந்தப் பயிற்சியில் 1,500-க்கும் மேற்பட்ட ராணுவ வீரா்கள் பங்கேற்றனா்.