பாஜகவுக்கு அதிர்ச்சி கொடுக்குமா ஃபைசாபாத்?

ராமர் கோயில் அமைந்துள்ள அயோத்தியை உள்ளடக்கிய ஃபைசாபாத் தொகுதியில் பாஜக பின்னடைவை சந்தித்துள்ளது.

தனது தேர்தல் பிரசாரத்தில் அயோத்தியை முன்னிலையில் வைத்திருந்தது பாஜக. ஆனால், அயோத்தி மாநகரம் அமைந்திருக்கும் ஃபைசாபாத்திலேயே பாஜக வேட்பாளர் பின்னடைவை சந்தித்திருக்கிறார்.

தற்போது வெளியான முன்னிலை நிலவரத்தில் ஃபைசாபாத்தில் சமாஜ்வாதி வேட்பாளர் முன்னிலையில் உள்ளார். இவர் 3000 வாக்குகள் அதிகம் பெற்றுள்ளார்.

உத்தரப்பிரதேசத்தில் மொத்தமுள்ள 80 தொகுதிகளில் அயோத்தி நகர் அடங்கிய ஃபைசாபாத் தொகுதியும் ஒன்று. இங்கு சமாஜ்வாதி வேட்பாளர் பிரசாத் 1,51,501 வாக்குகளும் பாஜக வேட்பாளர் லல்லு சிங் 1,48,143 வாக்குகளும் பெற்றுள்ளனர்.

கடந்த ஜனவரி மாதம் அயோத்தியில் ராமர் கோயில் பிராண பிரதிஷ்டை விழா வெகு சிறப்பாக பிரதமர் நரேந்திர மோடி தலைமையில் நடைபெற்றது.

இந்த அயோத்தி கோயில் விழாவை காங்கிரஸ் கட்சித் தலைவர்கள் புறக்கணித்ததாக, பாஜகவின் முக்கிய தலைவர்கள் பலரும் தங்களது தேர்தல் பிரசாரத்தில் தவறாமல் மக்களிடம் எடுத்துக் கூறி வந்தது குறிப்பிடத்தக்கது.