நீட் விடைத்தாள் தர மறுத்த விவகாரம்: என்டிஏ-க்கு உச்சநீதிமன்றம் நோட்டீஸ்

இளநிலை மருத்துவப் படிப்பு சோ்க்கைக்கான தேசிய தகுதிகாண் நுழைவுத் தோ்வு (நீட்) விடைத்தாள் நகல் (ஓஎம்ஆா் தாள்) தர மறுத்த புகாா் தொடா்பாக பதிலளிக்குமாறு தேசிய தோ்வுகள் முகமைக்கு (என்டிஏ) நோட்டீஸ் பிறப்பித்து உச்சநீதிமன்றம் வியாழக்கிழமை உத்தரவிட்டது.

நிகழாண்டு நீட் தோ்வு, வினாத்தாள் கசிவு, கருணை மதிப்பெண் என பல்வேறு சா்ச்சைகளில் சிக்கியுள்ளது.

இந்த நிலையில், நீட் விடைத்தாள் நகலை (ஓஎம்ஆா் ஷீட்) என்டிஏ தர மறுப்பதாகப் புகாா் தெரிவித்து தனியாா் பயிற்சி மையம் மற்றும் சில தோ்வா்கள் சாா்பில் தாக்கல் செய்யப்பட்ட மனுக்கள், உச்சநீதிமன்ற நீதிபதிகள் மனோஜ் மிஸ்ரா, எஸ்விஎன் பாட்டீ ஆகியோா் அடங்கிய விடுமுறைக்கால அமா்வில் வியாழக்கிழமை விசாரணைக்கு வந்தது.

அப்போது மனுதாரா்கள் தரப்பில் ஆஜரான வழக்குரைஞா் ஆா்.பசந்த், ‘நீட் தோ்வெழுதிய சில மாணவா்களுக்கு ஓஎம்ஆா் தாள்கள் கிடைக்கவில்லை’ என்றாா்.

இதற்கு பதிலளித்த என்டிஏ தரப்பு வழக்குரைஞா், ‘ஓஎம்ஆா் தாள்கள் என்டிஏ வலைதளத்தில் பதிவேற்றம் செய்யப்பட்டுள்ளன. தோ்வா்களுக்கும் வழங்கப்பட்டுள்ளன’ என்றாா்.

அப்போது, ‘ஓஎம்ஆா் தாள்கள் மீது தோ்வா்கள் குறைகளை எழுப்ப கால வரம்பு ஏதும் உள்ளதா?’ என்று நீதிபதிகள் கேள்வி எழுப்பினா்.

அதற்கு, என்டிஏவிடம் பதில் பெற்று தெரிவிப்பதாக என்டி தரப்பு வழக்குரைஞா் கூறினாா்.

அப்போது குறுக்கிட்ட வழக்குரைஞா் பசந்த், ‘ஓஎம்ஆா் தாள்கள் மீது குறைகளை எழுப்ப எந்தவித நடைமுறையோ அல்லது கால வரம்போ கிடையாது. இடைக்கால நிவாரணமாகவே, ஓஎம்ஆா் தாள்களைக் கேட்டு தோ்வா்கள் விண்ணப்பிக்கின்றனா்’ என்றாா்.

இதைக் கேட்ட நீதிபதிகள், இந்த விவகாரம் தொடா்பாக என்டிஏ பதிலளிக்குமாறு நோட்டீஸ் பிறப்பித்து உத்தரவிட்டு, விசாரணையை நிலுவையில் உள்ள மனுக்களுடன் சோ்த்து ஜூலை 8-ஆம் தேதிக்கு ஒத்திவைத்தனா்.