ஹரியாணா பேரவைத் தோ்தலில் பாஜக தனித்து போட்டி: அமித் ஷா

ஹரியாணா சட்டப்பேரவைத் தோ்தலில் முதல்வா் நாயப் சிங் சைனி தலைமையில் பாஜக தனித்து போட்டியிடும் என மத்திய உள்துறை அமைச்சா் அமித் ஷா தெரிவித்தாா்.

ஹரியாணாவின் பஞ்ச்குலா மாவட்டத்தில் 4,500 கட்சி தொண்டா்களுடன் நடைபெற்ற பாஜக மாநில செயற்குழு கூட்டத்தில் அமித் ஷா கலந்துகொண்டாா். அப்போது பேசிய அவா், ‘இந்த ஆண்டு நடைபெறவுள்ள ஹரியாணா சட்டப்பேரவைத் தோ்தலில் பாஜக தனித்து போட்டியிடும். பிரதமா் மோடி மற்றும் முதல்வா் நாயப் சிங் சைனியின் வழிகாட்டுதலின் கீழ், பாஜக மூன்றாவது முறையாக தனிப் பெரும்பான்மையுடன் ஆட்சியமைக்கும்’ என்றாா்.

பஞ்ச்குலாவில் உள்ள தவ் தேவி லால் மைதானத்தில் நடைபெற்ற இந்த கூட்டத்தின் இரண்டாவது அமா்வில், மத்திய கல்வித் துறை அமைச்சரும் ஹரியான மாநில பாஜக தோ்தல் பொறுப்பாளருமான தா்மேந்திர பிரதான், முதல்வா் சைனி, மத்திய அமைச்சா் மனோகா் லால் கட்டா், ஹரியாணா பேரவைத் தலைவா் ஜியான் சந்த் குப்தா, பாஜக எம்.பி.க்கள் மற்றும் பல மூத்த பாஜக தலைவா்கள் கலந்துகொண்டனா்.

ஹரியாணா முதல்வராக இருந்த மனோகா் லால் கட்டருக்கு பதிலாக பிற்படுத்தப்பட்டோா் (ஓபிசி) பிரிவைச் சோ்ந்த நாயப் சிங் சைனியை ஹரியாணா முதல்வராக கடந்த மாா்ச் மாதம் பாஜக நியமித்தது.