கேரள காங்., தேர்தல் பிரசார குழு தலைவராக ரமேஷ் சென்னிதலா நியமனம்!

கேரள மாநில காங்கிரஸ் பிரசார குழு தலைவராக ரமேஷ் சென்னிதலா நியமிக்கப்பட்டுள்ளார்.

மக்களவைத் தேர்தலையொட்டி காங்கிரஸ் பிரசார குழு தலைவராக ரமேஷ் சென்னிதலாவை நியமிக்கக்கோரிய பரிந்துரைக்கு காங்கிரஸ் தலைவர் மல்லிகார்ஜுன கார்கே ஒப்புதல் அளித்துள்ளார்.

இதனையடுத்து, ரமேஷ் சென்னிதலா, கேரளத்தில் காங்கிரஸ் கட்சிக்கான பிரசார குழு தலைவராவது உறுதியாகியுள்ளது.

இது தொடர்பாக அறிக்கை வெளியிட்டுள்ள காங்கிரஸ் பொதுச்செயலாளர் கே.சி. வேணுகோபால், அடுத்தடுத்த தேர்தல்களில் ரமேஷ் சென்னிதலாவை கேரள காங்கிரஸ் பிரசார குழு தலைவராக நியமிப்பதற்கான பரிந்துரைக்கு காங்கிரஸ் தலைவர் மல்லிகார்ஜுன கார்கே ஒப்புதல் அளித்துள்ளதாகக் குறிப்பிட்டுள்ளார்.