5ஆம் கட்டத் தேர்தலில் 57.65% வாக்குப்பதிவு

அதிகபட்சமாக மேற்கு வங்கத்திலும், குறைந்தபட்சமாக மகாராஷ்டிரத்திலும் வாக்குப்பதிவு நடைபெற்றுள்ளது.
5ஆம் கட்டத் தேர்தலில் 57.65% வாக்குப்பதிவு

மக்களவைக்கான ஐந்தாம் கட்டத் தேர்தலில் சராசரியாக 57.65 சதவிகித வாக்குகள் பதிவானதாக இந்திய தேர்தல் ஆணையம் தெரிவித்துள்ளது.

மக்களவைக்கான ஐந்தாம் கட்ட வாக்குப்பதிவு, 8 மாநிலங்கள் மற்றும் யூனியன் பிரதேசத்தில் இன்று நடைபெற்றது.

உத்தர பிரதேசத்தில் 14, மகாராஷ்டிரத்தில் 13, மேற்கு வங்கத்தில் 7, பிகாா், ஒடிஸாவில் தலா 5, ஜாா்க்கண்டில் 3, ஜம்மு-காஷ்மீா் மற்றும் லடாக் யூனியன் பிரதேசங்களில் தலா ஒரு தொகுதிக்கு வாக்குப்பதிவு நடைபெற்றது.

அதன்படி மாலை 5 மணி நிலவரப்படி நாடு முழுவதும் 56.68 சதவிகிதம் வாக்குகள் பதிவாகியுள்ளன. மேற்கு வங்கத்தில் 73 சதவிகிதமும், குறைந்தபட்சமாக மகாராஷ்டிரத்தில் 48.66 சதவிகிதமும் வாக்குகள் பதிவாகியுள்ளதாக தேர்தல் ஆணையம் அதிகாரப்பூர்வமாக தெரிவித்தது.

மாலை 6 மணியுடன் வாக்குப்பதிவு முடிந்தது. எனினும் வடக்கு மும்பை தொகுதியின் பல்வேறு பகுதிகளில் மக்கள் நீண்ட வரிசையில் காத்திருந்ததால், அவர்களுக்கு டோக்கன் வழங்கப்பட்டது. டோக்கன் பெற்றவர்கள் எவ்வளவு நேரமானாலும் வாக்களிக்க ஏற்பாடு செய்யப்பட்டுள்ளதாக அம்மாவட்ட ஆட்சியர் குறிப்பிட்டார்.

5ஆம் கட்டத் தேர்தலில் 57.65% வாக்குப்பதிவு
தாமதமானாலும் வாக்கு செலுத்தாமல் வீடு திரும்பாதீர்கள்: உத்தவ் தாக்கரே கோரிக்கை

இந்நிலையில், 5ஆம் கட்டத் தேர்தலில் 57.65 சதவிகித (தோராய கணக்கீடு) வாக்குகள் பதிவானதாக தேர்தல் ஆணையம் அறிவித்துள்ளது.

மாநில வாரியாக...

பிகார் - 53.07%

ஜம்மு - காஷ்மீர் - 55.49

ஜார்க்கண்ட் - 63.06%

லடாக் - 67.15%

மகாராஷ்டிரம் - 49.33%

ஒடிஸா - 61.24%

உத்தரப் பிரதேசம் - 57.79%

மேற்கு வங்கம் - 73.06%

5ஆம் கட்டத் தேர்தலில் அதிகபட்சமாக மேற்குவங்கத்திலும், குறைந்தபட்சமாக மகாராஷ்டிரத்திலும் வாக்குப்பதிவு நடைபெற்றுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com