சந்திரபாபு நாயுடு சகோதரர் ராமமூர்த்தி நாயுடு காலமானார்!

சந்திரபாபு நாயுடுவின் சகோதரர் ராமமூர்த்தி நாயுடு மாரடைப்பால் காலமானார்.

ஆந்திர முதல்வர் சந்திரபாபு நாயுடுவின் இளைய சகோதரர் ராமமூர்த்தி நாயுடுவுக்கு (72) உடல்நிலை சரியில்லாததால், 3 நாள்களுக்கு முன்னர் சிகிச்சைக்காக தனியார் மருத்துவமனையில் அனுமதிக்கப்பட்டார்.

இதயம், சுவாசக் கோளாறு பிரச்னை இருந்ததாகவும், அதனால் வென்டிலேட்டரில் சிகிச்சை பெற்று வந்ததாகவும் கூறப்படுகிறது. இந்த நிலையில், சனிக்கிழமை (நவ. 16) ராமமூர்த்தி நாயுடுவுக்கு மாரடைப்பு ஏற்பட்டு காலமானார்.

இவர், 1994 முதல் 1999 வரையில் சந்திரகிரி தொகுதியின் தெலுங்குதேச எம்.எல்.ஏ.வாக இருந்தார். நியூயார்க் திரைப்பட அகாதமியின் முன்னாள் மாணவரான ராமமூர்த்தி நாயுடு, நடிகரும் தயாரிப்பாளரும்கூட.

இவருக்கு நாரா ரோஹித், நாரா கிரிஷ் என்ற இரண்டு மகன்கள் உள்ளனர்.