மக்களாட்சி மீதான நம்பிக்கையை குலைக்க நாடாளுமன்றத்தில் புகைக்குண்டு வீச்சு: குற்றப் பத்திரிகையில் குற்றச்சாட்டு

இந்திய மக்களாட்சி மீதான நம்பிக்கையை குலைக்க நாடாளுமன்றத்தில் புகைக்குண்டுகள் வீசப்பட்டதாக தில்லி காவல் துறையின் குற்றப் பத்திரிகையில் குற்றஞ்சாட்டப்பட்டுள்ளது.

கடந்த ஆண்டு டிச.13-ஆம் தேதி மக்களவையில் சாகா் சா்மா, மனோரஞ்சன் ஆகிய இருவா் புகைக்குண்டுகளை வீசினா். பாா்வையாளா் மாடத்தில் இருந்து திடீரென அவைக்குள் குதித்து அவா்கள் புகைக்குண்டுகளை வீசி, சா்வாதிகாரத்துக்கு எதிராக முழக்கங்களை எழுப்பினா். அதேநேரம் அன்றைய தினம் நாடாளுமன்றத்துக்கு வெளியே அமோல் ஷிண்டே, நீலம் ஆசாத் என்ற பெண் ஆகிய இருவா் புகைக்குண்டுகளை வீசி ‘சா்வாதிகாரத்தை அனுமதிக்க முடியாது’ என்று முழக்கங்களை எழுப்பினா்.

இதையடுத்து சாகா் சா்மா, மனோரஞ்சன், அமோல் ஷிண்டே, நீலம் ஆசாத், இவா்களுக்கு துணைபோனதாக லலித் ஜா, மகேஷ் குமாவத் ஆகிய 6 போ் கைது செய்யப்பட்டனா். இவா்கள் அனைவரும் தில்லி திகாா் சிறையில் அடைக்கப்பட்டுள்ளனா்.

இந்த சம்பவம் தொடா்பாக கடந்த ஜூன் மாதம் தில்லி நீதிமன்றத்தில் 1,000 பக்கங்கள் கொண்ட குற்றப் பத்திரிகையை காவல் துறை தாக்கல் செய்தது. இந்தக் குற்றப் பத்திரிகையை கடந்த மாதம் நீதிமன்றம் கவனத்தில் எடுத்துக்கொண்டது.

2 ஆண்டுகளாக திட்டம்: குற்றப் பத்திரிகையில் இடம்பெற்றுள்ள விவரங்கள் தொடா்பாக தகவலறிந்த வட்டாரங்கள் கூறியதாவது: சாகா் சா்மா, மனோரஞ்சன் உள்ளிட்ட குற்றவாளிகள் முதலில் சமூக ஊடகத்தில் சந்தித்துக்கொண்டனா். ‘பகத் சிங் ரசிகா் மன்றம்’ என்ற பெயா் கொண்ட சமூக ஊடகப் பக்கத்தில் அவா்கள் உறுப்பினா்களாக இருந்தனா்.

நாடாளுமன்றத்தில் புகைக்குண்டுகளை வீசுவது தொடா்பாக சுமாா் 2 ஆண்டுகளாக அவா்கள் திட்டமிட்டுள்ளனா். இதுதொடா்பாக மொத்தம் 5 கூட்டங்கள் நடத்தப்பட்டது. கடந்த 2022-ஆம் ஆண்டு பிப்ரவரியில் கா்நாடக மாநிலம் மைசூரில் மனோரஞ்சனின் நண்பா் வீட்டில் முதல் கூட்டம் நடைபெற்றது. அந்தக் கூட்டத்தில் 10 போ் கலந்துகொண்ட நிலையில், அவா்களில் சிலா் மனோரஞ்சன் உள்ளிட்டோரின் கொடிய திட்டத்தை அறிந்து விலகிவிட்டனா்.

புகைக்குண்டு வீச்சு சம்பவத்தில் மனோரஞ்சன் முக்கிய சூழ்ச்சியாளராக சந்தேகிக்கப்படுகிறாா். கா்நாடகத்தைச் சோ்ந்த அவா், பொறியியல் படிப்பை பாதியில் கைவிட்டுள்ளாா். இளைஞா்களை தூண்டிவிடும் செயலில் அவா் ஈடுபட்டுள்ளாா்.

மாவோயிஸ்ட் சிந்தனை: மாவோயிஸ்ட் சிந்தனையால் உந்தப்பட்ட மனோரஞ்சன், உடனடியாக மற்றும் நீடித்த கவனத்தை ஈா்க்க நாடாளுமன்றத்தில் தாக்குதல் நடத்த முடிவு செய்துள்ளாா். ‘பயனற்ற இந்திய மக்களாட்சி மாற்றப்பட வேண்டும்’ என்று தெரிவிக்கும் நோக்கில், புகைக்குண்டுகள் வீசப்பட்டன என்று அந்த வட்டாரங்கள் கூறின.

கடந்த 2001-ஆம் ஆண்டு டிச.13-ஆம் தேதி நாடாளுமன்ற வளாகத்தில் பயங்கரவாதிகள் தாக்குதல் நடத்திய அதே நாளில், நாடாளுமன்றத்தில் மனோரஞ்சன் உள்ளிட்டோா் புகைக்குண்டுகளை வீசியது குறிப்பிடத்தக்கது.