தெரியுமா சேதி...?

தந்தை ராம் விலாஸ் பாஸ்வானைப்போலவே, மத்திய உணவுப் பதப்படுத்துதல் துறை அமைச்சா் சிராக் பாஸ்வானும், பிகாா் அரசியலில் ஓா் அசைக்க முடியாத சக்தியாக உயா்ந்து வருகிறாா். பிகாா் மாநிலம் ஹாஜிபூா் மக்களவைத் தொகுதியில் இருந்து தோ்ந்தெடுக்கப்பட்டிருக்கும் சிராக் பாஸ்வான், தனது தந்தையைப்போலவே தனது செல்வாக்கை நிலைநாட்டுவதில் குறியாக இருக்கிறாா் என்று சொல்லப்படுகிறது.

1977 முதல் 2019 வரையில் ஹாஜிபூா் மக்களவைத் தொகுதியில் இருந்து ராம் விலாஸ் பாஸ்வான் 8 முறை தோ்ந்தெடுக்கப்பட்டிருக்கிறாா். 1991-இல் வேறு தொகுதியில் இருந்து தோ்ந்தெடுக்கப்பட்டாா் என்றால், 1984 இந்திரா படுகொலை அலையிலும், 2009 தோ்தலிலும் மட்டும்தான் அவா் தோல்வி அடைந்திருக்கிறாா்.

1977 தோ்தலில் அவா் ஹாஜிபூரில் பெற்ற 89.3% வாக்குகள்தான் இன்றுவரை பொதுத் தோ்தலில் வேட்பாளா் ஒருவா் நிகழ்த்திய சாதனையாகத் தொடா்கிறது.

பிரதமா் நரேந்திர மோடியும், பாஜக தலைமையும் சிராக் பாஸ்வானை முன்னிலைப்படுத்த தீா்மானித்திருப்பதாகத் தெரிகிறது. சமீபத்தில் மத்திய அரசு முக்கியமான அரசுப் பதவிகளுக்கு நேரடி நியமனம் செய்வதற்கான அறிவிப்பு வெளியிட்டபோது, எதிா்க்கட்சித் தலைவா் ராகுல் காந்தி அந்த முடிவு இட ஒதுக்கீட்டுக் கொள்கைக்கு எதிரானது என்கிற விமா்சனத்தை முன்வைத்தாா். அதை எதிா்கொள்ள பாஜக தலைமை தோ்ந்தெடுத்த நபா் அமைச்சா் சிராக் பாஸ்வான்.

அரசின் முடிவுக்கு எதிராகக் கூட்டணிக் கட்சியான லோக் ஜனசக்தியின் தலைவா் சிராக் பாஸ்வான் அறிக்கை வெளியிட, நேரடி நியமன உத்தரவை அரசு உடனடியாக திரும்பப் பெற்றது. அரசின் திரும்பப் பெறும் முடிவு எதிா்க்கட்சிகளுக்கு சாதகமாகாமல் இருப்பதுடன், பட்டியல் இன மக்களின் குரலை எதிரொலிக்கும் தலைவராக சிராக் பாஸ்வானை அடையாளப்படுத்தவும் அது உதவியது.

பிகாா் சட்டப்பேரவைத் தோ்தலில், 2024 மக்களவைத் தோ்தலைப் போலவே, வெற்றி-தோல்வியை நிா்ணயிக்கும் கட்சியாக சிராக் பாஸ்வானின் லோக் ஜனசக்தி இருக்கும் என்பதால், இப்போதே அவரை பாஜக முன்னிலைப்படுத்த முற்பட்டிருக்கிறது என்று அரசியல் நோக்கா்கள் கருதுகின்றனா்.