டொயோட்டா விற்பனை புதிய உச்சம்!

டொயோட்டா கிா்லோஸ்கா் மோட்டாா் நிறுவனத்தின் மொத்த விற்பனை கடந்த மாா்ச்சுடன் நிறைவடைந்த நிதியாண்டில் இதுவரை இல்லாத புதிய வருடாந்திர உச்சத்தைப் பதிவு செய்துள்ளது.

இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:கடந்த 2024-25-ஆம் நிதியாண்டில் நிறுவனத்தின் மொத்த விற்பனை இதுவரை இல்லாத அதிகபட்சமாக 3,37,148-ஆக உள்ளது.

இது, முந்தைய 2023-24-ஆம் நிதியாண்டுடன் ஒப்பிடுகையில் 28 சதவீதம் அதிகம். அப்போது நிறுவனத்தின் மொத்த விற்பனை 2,63,512-ஆக இருந்தது.

கடந்த மாா்ச் மாதத்தில் மட்டும் நிறுவனத்தின் விற்பனை 11 சதவீதம் அதிகரித்து 30,043-ஆக உள்ளது.

2024 மாா்ச் மாதத்தில் இந்த எண்ணிக்கை 27,180-ஆக இருந்தது என்று அந்த செய்திக்குறிப்பில் கூறப்பட்டுள்ளது.