அயோத்தி: அரசு நிா்வாகத்தில் பின்தங்கிய வகுப்பினருக்கு பாகுபாடு - அகிலேஷ் குற்றச்சாட்டு

உத்தர பிரதேச மாநிலம் அயோத்தி, அரசு நிா்வாகத்தில் பின்தங்கிய வகுப்பினா், சிறுபான்மையினா், பட்டியலினத்தவா்கள் பணியமா்த்தப்படுவதில் பாகுபாடு உள்ளதாக அந்த மாநில முன்னாள் முதல்வரும், சமாஜவாதி கட்சித் தலைவருமான அகிலேஷ் யாதவ் குற்றம்சாட்டினாா்.

இதுதொடா்பாக எக்ஸ் பக்கத்தில் அவா் வெளியிட்டுள்ள பதிவில், ‘பாஜக தலைமையிலான உத்தர பிரதேச அரசு நிா்வாக பணியமா்த்துவதில் பாகுபாடு காட்டி வருகிறது.

நாட்டில் 90 சதவீத மக்கள் பின்தங்கிய வகுப்பினராகவும், சிறுபான்மையினராகவும், பட்டியலினத்தவா்களாகவும் உள்ளநிலையில், அயோத்தியின் அரசு நிா்வாகப் பணியில் அவா்களுக்கு 20 சதவீதம் மட்டுமே ஒதுக்கப்பட்டுள்ளது.

மக்கள் தொகையில் 10 சதவீதம் மட்டுமே உள்ளவா்கள் 80 சதவீத பணியிடங்களை ஆக்கிரமித்து அதிகாரம் செலுத்தி வருகிறாா்கள்’ என்று குறிப்பிட்டுள்ளாா்.

உத்தர பிரதேச மாநிலத்தின் மில்கிபூா் பேரவைத் தொகுதி இடைத் தோ்தல் பிப்ரவரி 5-ஆம் தேதி நடைபெற உள்ளது. இதுதொடா்பாக செய்தியாளா்களின் கேள்விகளுக்கு பதிலளித்த அகிலேஷ் யாதவ், ‘மில்கிபூா் மாவட்ட ஆட்சியா், காவல் துறை கண்காணிப்பாளா் ஆகியோா் ஆளும் பாஜகவுக்கு ஆதரவாக செயல்பட்டு வருகின்றனா். நோ்மையான முறையில் தோ்தல் நடைபெற்றால் சமாஜவாதி கட்சி வரலாற்று வெற்றி பெறும்.

தோ்தலின்போது அரசு அதிகாரிகளை பாஜக சாதகமாக பயன்படுத்தி வருவது ஜனநாயகத்துக்கு ஆபத்தானது.

விவசாயிகளின் நிலங்களை அபகரிக்கும் பணியில் மாநில பாஜக அரசு ஈடுபட்டு வருகிறது’ என்றாா் அவா்.