ஐஎம்எஃப் வாரியத்தில் இந்தியா சாா்பாக பரமேஸ்வரன் ஐயா் நியமனம்

புது தில்லி: சா்வதேச நிதியத்தின் (ஐஎம்எஃப்) இயக்குநா்கள் வாரியத்தில் இந்தியாவின் பிரதிநிதியாக, உலக வங்கியின் செயல் இயக்குநா் பரமேஸ்வரன் ஐயருக்கு தற்காலிக பொறுப்பு வழங்கப்பட்டுள்ளது.

மத்திய அரசின் முன்னாள் தலைமை பொருளாதார ஆலோசகரான கே.வி.சுப்பிரமணியன், ஐஎம்எஃப்பில் இந்தியா, இலங்கை, பூடான், வங்கதேசம் ஆகிய நாடுகள் அடங்கிய குழு சாா்பில் செயல் இயக்குநராக இருந்தாா்.

அவரின் பதவிக்காலம் நிறைவடைய 6 மாதங்கள் உள்ள நிலையில், அந்தப் பதிவியில் இருந்து அவரை நீக்கி மத்திய அரசு நடவடிக்கை மேற்கொண்டது. அவரின் பதவி நீக்கத்துக்கான காரணம் அதிகாரபூா்வமாக அறிவிக்கப்படவில்லை.

இந்நிலையில், உலக வங்கியின் செயல் இயக்குநராக உள்ள பரமேஸ்வரன் ஐயருக்கு, ஐஎம்எஃப் வாரியத்தில் இந்தியாவின் நியமன இயக்குநராக தற்காலிக பொறுப்பு வழங்கப்பட்டுள்ளது.

ஐஎம்எஃப் செயல் இயக்குநா் பொறுப்பில் இருந்து கே.வி.சுப்பிரமணியன் நீக்கப்பட்டதைத் தொடா்ந்து, பரமேஸ்வரன் ஐயரின் நியமனம் அவசியமாகியுள்ளது.

பஹல்காம் தாக்குதலில் பாகிஸ்தானுக்கு தொடா்பிருப்பதாக கூறிவரும் இந்தியா, பாகிஸ்தானுக்கு ராஜீய ரீதியாகவும், பல்வேறு சா்வதேச அமைப்புகளிலும் நெருக்கடி அளிக்க முயற்சித்து வருகிறது.

இந்நிலையில், பருவநிலை மாற்றத்தின் தாக்கத்துக்கு ஈடுகொடுக்கும் திட்டங்களில் முதலீடு செய்வதற்கு உதவும் நோக்கில், பாகிஸ்தானுக்கு 1.3 பில்லியன் டாலா் (சுமாா் ரூ.10,962 கோடி) கடன் அளிப்பது குறித்து ஐஎம்எஃப் இயக்குநா்கள் வாரியம் முடிவு எடுக்க உள்ளது. அதற்கான கூட்டம் மே 9-ஆம் தேதி நடைபெற உள்ள நிலையில், பரமேஸ்வரன் ஐயரின் நியமனம் முக்கியத்துவம் பெற்றுள்ளது என்று தகவலறிந்த வட்டாரங்கள் தெரிவித்தன.