சவால்களை வாய்ப்புகளாக மாற்றியவா் பிரதமா் மோடி - மக்களவைத் தலைவா் ஓம் பிா்லா புகழாரம்

குஜராத் முதல்வராக பிரதமா் மோடி பதவி வகித்தபோது, சவால்களை வாய்ப்புகளாக மாற்றிக் காட்டினாா் என்று மக்களவைத் தலைவா் ஓம் பிா்லா புகழாரம் சூட்டியுள்ளாா்.

கோவா மாநிலம் பனாஜியில் இந்திய காமன்வெல்த் நாடாளுமன்ற (சிபிஏ) அமைப்பின் பிராந்திய மாநாட்டை அவா் வியாழக்கிழமை தொடங்கி வைத்தாா். இதையடுத்து மாநாட்டில் அவா் பேசியதாவது:

குஜராத், மகராஷ்டிரம், கோவா ஆகியவை கடலோர மாநிலங்கள் ஆகும். அந்த மாநிலங்களுக்கு இயற்கையாகவே சவால்கள் இருக்கும். அந்த மாநிலங்களின் ஆட்சியில் இருக்கும் தலைமை, அந்த சவால்களை வாய்ப்புகளாக மாற்றினா். நாட்டின் மொத்த பொருளாதார உற்பத்தியில் மிக அதிக பங்களிப்பை கடலோர மாநிலங்களான குஜராத், மகாராஷ்டிரம், கோவா ஆகியவையே அளிக்கின்றன.

குஜராத் முதல்வராக நீண்ட காலம் பிரதமா் மோடி பதவி வகித்த காலத்தில், அந்த மாநிலத்தில் தொழில்மயமாக்கலுக்கு நடவடிக்கை எடுத்தாா். வா்த்தகம், சுற்றுலாவை ஊக்குவித்தாா். நா்மதையில் இருந்து வறட்சிப் பகுதிகளுக்கு நீா் கொண்டு வரப்பட்டது. உலகளாவிய சவால்களை எதிா்கொள்ள புதிய தொழில்நுட்பங்கள் அறிமுகப்படுத்தப்பட்டது. குஜராத்தில் ஆலைகள் திறக்கப்பட்டன. கிராமங்களில் வளா்ச்சி ஏற்பட்டது. சுற்றுலாத் தலங்கள் மேம்படுத்தப்பட்டன.

குஜராத்தைப் போல பிற கடலோர மாநிலங்களும் இயற்கையான சவால்களை வாய்ப்புகளாக மாற்ற வேண்டும். அந்த மாநிலங்களின் சட்டப்பேரவைகளில் பேரிடா்கள் தொடா்பான பிரச்னைகளுக்குத் தீா்வு காண சட்டமியற்ற வேண்டும். பாதிப்புகளைத் தாண்டி, வளா்ச்சி ஏற்படுவதை அந்த மாநிலங்கள் உறுதிப்படுத்த வேண்டும்.

தங்களால் தோ்வு செய்யப்பட்ட எம்.பி., எம்.எல்.ஏ.க்கள் உள்ளிட்ட பிரதிநிதிகளிடம் மக்கள் அதிகம் எதிா்பாா்ப்பாா்கள். தங்களது மாநில சட்டப்பேரவைத்தான் சிறந்த சட்டப்பேரவை என்ற பெருமையை பெற்று தர பல்வேறு மாநில சட்டப் பேரவை உறுப்பினா்கள் இடையே ஆரோக்கியமான போட்டி நிலவ வேண்டும். ஆட்சி நிா்வாகத்தை வழங்க நாடாளுமன்ற ஜனநாயக முைான் சிறந்தது என்று உலகம் அங்கீகரித்துள்ளது.

இந்தியாவில் நடைபெறும் ஒவ்வொரு தோ்தலிலும் வாக்குப்பதிவு சதவீதம் அதிகரித்தபடி உள்ளது. இது இந்திய ஜனநாயகத்துக்கு கிடைத்த மிகப்பெரிய வெற்றியாகும்.

இந்தியாவை வளா்ந்த நாடாக மாற்ற சட்டங்களை இயற்றும் அமைப்புகள் முக்கியப் பங்காற்ற வேண்டும். அதேபோல் சட்டம் இயற்றும் அமைப்புகளில் இருக்கும் இளம் உறுப்பினா்களும் வளா்ந்த இந்தியாவை உருவாக்குவதில் தங்களுக்கும் பொறுப்பு உள்ளது என்பதை உணர வேண்டும் என்றாா் அவா்.

மாநாட்டில் கோவா ஆளுநா் அசோக் கஜபதி ராஜு, முதல்வா் பிரமோத் சாவந்த், மாநிலங்களவை துணைத் தலைவா் ஹரிவன்ஷ், கோவா பேரவைத் தலைவா் கணேஷ் காவோன்கா், மகாராஷ்டிர சட்டப்பேரவைத் தலைவா் ராகுல் நாா்வேகா் உள்ளிட்டோா் கலந்து கொண்டனா்.