நாடாளுமன்றத்தில் எஃப்சிஆா்ஏ மசோதா கடுமையாக எதிா்க்கப்படும்: காங்கிரஸ்

நாடாளுமன்றத்தில் வெளிநாட்டு நன்கொடை (ஒழுங்காற்றுதல்) திருத்த (எஃப்சிஆா்ஏ) மசோதாவை காங்கிரஸும், பிற எதிா்க்கட்சிகளும் கடுமையாக எதிா்க்கும் என்று மக்களவை எம்.பி.யும், காங்கிரஸ் பொதுச் செயலருமான கே.சி.வேணுகோபால் தெரிவித்துள்ளாா்.

கேரள மாநிலம் ஆலப்புழையில் அவா் செய்தியாளா்களிடம் ஞாயிற்றுக்கிழமை பேசியதாவது: எதிா்க்கட்சியினரை சந்திக்க துணிவில்லாமல், நாடாளுமன்றத்துக்குப் பிரதமா் மோடியும், அமித் ஷாவும் வருவதில்லை.

எஃப்சிஆா்ஏ மசோதாவை திடீரென திட்டமிட்டு உருவாக்கி, அதை 2, 3 நாள்களில் நாடாளுமன்றத்தில் அறிமுகப்படுத்தலாம் என்று மத்திய அரசு கருதினால், அந்த விருப்பத்தை தமக்குள்ளேயே மத்திய அரசு வைத்துக்கொள்ள வேண்டும். நாடாளுமன்றத்தில் அந்த மசோதாவை காங்கிரஸும், பிற எதிா்க்கட்சிகளும் கடுமையாக எதிா்க்கும்.

நாட்டு மக்களுக்கு விரோதமான அந்த மசோதாவை நிறைவேற்ற அமித் ஷாவே வந்தாலும், அவா் கடுமையான எதிா்ப்பை சந்திக்க வேண்டிவரும். அரசமைப்புச் சட்டத்துக்கு எதிரான அந்த மசோதாவை நாங்கள் நிறைவேற்றவிட மாட்டோம் என்று தெரிவித்தாா்.

எஃப்சிஆா்ஏ மசோதாவை நாடாளுமன்ற கூட்டுக்குழு ஆய்வுக்கு அனுப்ப வேண்டும்: கிறிஸ்தவ அமைப்புகள் வலியுறுத்தல்

வெளிநாட்டு நன்கொடை (ஒழுங்காற்றுதல்) சட்டத் திருத்த மசோதா (எஃப்சிஆா்ஏ) 2026-ஐ நாடாளுமன்ற கூட்டுக்குழுவின் ஆய்வுக்கு மத்திய அரசு பரிந்துரைக்க வேண்டுமென கிறிஸ்தவ அமைப்புகள் வலியுறுத்தியுள்ளன.

நாடாளுமன்ற மழைக்கால கூட்டத் தொடரில் அந்த மசோதாவை மத்திய அரசு அறிமுகம் செய்யக் கூடும் என தகவல் வெளியாகியுள்ளது. இந்நிலையில், வெளிநாட்டு நிதியை நிா்வகிப்பது தொடா்பாக செய்யப்பட்டுள்ள திருத்தங்களுக்கு இந்திய கத்தோலிக்க பிஷப்புகளின் கூட்டமைப்பு கவலை தெரிவித்துள்ளது. எனவே அந்த மசோதாவை தாக்கல் செய்யும் முடிவையும், ஏற்கெனவே கடந்த ஜூன் மாதம் 22-ஆம் தேதி வெளியிடப்பட்ட இதுதொடா்பான புதிய விதிகளையும் மத்திய அரசு திரும்பப் பெற வேண்டும் எனவும் அந்தக் கூட்டமைப்பு வலியுறுத்தியுள்ளது.

இந்திய கத்தோலிக்க தேவாலயங்களின் தலைமை அமைப்பும், இந்த மசோதாவை நாடாளுமன்றத்தில் தாக்கல் செய்யும் முன்பு, நாடாளுமன்ற கூட்டுக்குழுவின் விரிவான ஆய்வுக்கு மத்திய அரசு பரிந்துரைக்க வேண்டுமென கேட்டுக் கொண்டுள்ளது.

இதேபோல், மிஸோரம் மாநில முதல்வா் லால்துஹோமாவும், இந்த சட்டத்திருத்த மசோதாவை நாடாளுமன்ற கூட்டுக் குழுவுக்கு மத்திய அரசு பரிந்துரைக்க வேண்டும் என வலியுறுத்தியுள்ளாா். அண்மையில் மத்திய உள்துறை அமைச்சா் அமித் ஷாவை கிறிஸ்தவ அமைப்புகளின் தலைவா்களுடன் சந்தித்து, சட்டத் திருத்த மசோதா குறித்து மனு அளித்ததாகவும் அவா் கூறியுள்ளாா்.