பங்குச் சந்தைகளில் 5-ஆவது இடம்! அமெரிக்கா, ஜப்பானை பின்னுக்குத் தள்ளிய இந்தியா!
உலகின் பெரிய பட்டியலிடப்பட்ட பங்குச் சந்தைகளில் இந்தியா முன்னேறியது குறித்து...

அமெரிக்கா, ஜப்பானை பின்னுக்குத் தள்ளிய இந்தியா
உலகின் பெரிய பட்டியலிடப்பட்ட பங்குச் சந்தைகளில் இந்தியா 5-ஆவது இடத்துக்கு முன்னேறியது.
இந்தியாவின் தேசிய பங்குச் சந்தை (NSE), கடந்த செப்டம்பர் மாதத்தில் பங்குச் சந்தையில் பட்டியலிடப்பட்டது. இதனைத் தொடர்ந்து, இந்திய தேசிய பங்குச் சந்தையின் பங்குகளின் விலை உயர்ந்து, ஏற்றம் கண்டு வருகிறது.
தற்போதைய சந்தை தரவுகளின்படி, தேசிய பங்குச் சந்தையின் சந்தை மூலதனம் சுமார் 59.7 பில்லியன் டாலராக உயர்ந்துள்ளது. இதன் மூலம் ஹாங்காங் பங்குச் சந்தையையும் (58.1 பில்லியன் டாலர்), அமெரிக்காவின் நாஸ்டாக் பங்குச் சந்தையையும் (57.7 பில்லியன் டாலர்) இந்திய தேசிய பங்குச் சந்தை பின்னுக்குத் தள்ளியது.
பெரிய பட்டியலிடப்பட்ட சந்தைகளில் முதலிடத்தில் சிஎம்இ குரூப் (111.05 பில்லியன் டாலர்), இரண்டாம் இடத்தில் இன்டர்காண்டினென்டல் எக்ஸ்சேஞ்ச் (95.50 பில்லியன் டாலர்), மூன்றாவதாக டாய்ச் போர்ஸ் (65.00 பில்லியன் டாலர்), நான்காம் இடத்தில் லண்டன் ஸ்டாக் எக்ஸ்சேஞ்ச் குரூப் (60.30 பில்லியன் டாலர்) ஆகியவை உள்ளன. இவற்றைத் தொடர்ந்து, 59.7 பில்லியன் டாலருடன் ஐந்தாவது இடத்தில் இந்தியாவின் தேசிய பங்குச் சந்தை உள்ளது.
Summary
NSE becomes world's fifth-largest listed exchange by market cap, overtakes Nasdaq and HKEX
தினமணி செய்திமடலைப் பெற... Newsletter
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

