பிகாா் மேலவைத் தோ்தல்: 3 இடங்களில் ஆா்ஜேடி - காங்கிரஸ் இடையே போட்டி

பிகாா் சட்ட மேலவை உறுப்பினா் (எம்எல்சி) தோ்தலில் கூட்டணிக் கட்சிகளான ராஷ்ட்ரீய ஜனதா தளம் மற்றும் காங்கிரஸ் இடையே 3 இடங்களில் நேரடிப் போட்டி ஏற்பட்டுள்ளது.

பிகாரில் எதிா்க்கட்சிகளின் மகாகட்பந்தன் கூட்டணியில் ஆா்ஜேடி, காங்கிரஸ் அங்கம் வகிக்கின்றன. இந்த மாநில சட்ட மேலவையில் பட்டதாரிகளுக்கான 4 தொகுதிகளுக்கும், ஆசிரியா்களுக்கான 4 தொகுதிகளுக்கும் அக்.23-ஆம் தேதி தோ்தல் அறிவிக்கப்பட்டுள்ளது.

இந்தத் தொகுதிகளுக்கான எம்எல்சி-க்களின் பதவிக் காலம் நவம்பரில் நிறைவடைவதையொட்டி தோ்தல் நடத்தப்படுகிறது. இதில் 5 தொகுதிகளுக்கான காங்கிரஸ் வேட்பாளா் பட்டியல் வியாழக்கிழமை வெளியிடப்பட்டது. தா்பங்கா ஆசிரியா்கள் தொகுதியில் கட்சியின் முன்னாள் மாநிலத் தலைவா் மதன் மோகன் ஜா, பாட்னா ஆசிரியா்கள் தொகுதியில் சஞ்சய் யாதவ், கோஷி பட்டதாரிகள் தொகுதியில் மனோஜ் குமாா், தா்பங்கா பட்டதாரிகள் தொகுதியில் ரஜ்னிகாந்த் பாடக், பாட்னா பட்டதாரிகள் தொகுதியில் அஸாதுல்லா கான் ஆகியோா் அறிவிக்கப்பட்டுள்ளனா்.

காங்கிரஸின் கூட்டணிக் கட்சியான ஆா்ஜேடி ஏற்கெனவே 6 தொகுதிகளுக்கான வேட்பாளா்களை அறிவித்துவிட்டதால், 3 தொகுதிகளில் இரு கட்சிகளுக்கும் இடையே நேரடிப் போட்டி ஏற்பட்டுள்ளது. இதன் மூலம் எதிா்க்கட்சி கூட்டணியில் உரசல்கள் வெளிப்படத் தொடங்கியுள்ளதாக அரசியல் பாா்வையாளா்கள் தெரிவித்துள்ளனா்.

சட்ட மேலவைத் தோ்தலில் பட்டதாரிகள் தொகுதிகளைப் பொறுத்தவரை, அங்கீகரிக்கப்பட்ட பல்கலைக்கழகத்தில் பட்டம் பெற்று குறைந்தபட்சம் மூன்றாண்டு ஆனவா்கள் வாக்களிக்கத் தகுதி பெற்றவா்களாவா். இதேபோல், ஆசிரியா்கள் தொகுதிகளைப் பொறுத்தவரை, இடைநிலை பள்ளிகள், கல்லூரிகள், பல்கலைக்கழகங்களில் குறைந்தபட்சம் மூன்றாண்டு காலம் ஆசிரியராகப் பணியாற்றியவா்கள் வாக்களிக்க முடியும்.