மாநில ஹாக்கி அணியில் காஞ்சிபுரம் பவித்ரா தேர்வு

மாநில ஹாக்கி அணியில் காஞ்சிபுரம் அரசு மேல்நிலைப் பள்ளி மாணவி பவித்ரா தேர்வு பெற்றுள்ளார்.

மாநில அளவிலான மகளிர் ஹாக்கி அணித் தேர்வு அண்மையில் நடைபெற்றது. மாநிலத்தின் பல்வேறு பகுதிகளில் இருந்து மாணவிகள் கலந்து கொண்டனர்.

இத்தேர்வில் பங்கேற்ற காஞ்சிபுரம் அரசு மேல்நிலைப் பள்ளி மாணவி எல். பவித்ரா தமிழ்நாடு மாநில அணிக்குத் தேர்வு பெற்றார்.

அவர் பஞ்சாப் மாநிலத்தில் நடைபெற உள்ள மாநில அளவிலான மகளிர் ஹாக்கிப் போட்டியில் பங்கேற்க உள்ளார்.

மாணவியை, காஞ்சிபுரம் மாவட்ட விளையாட்டு அலுவலர் ஜெ. தங்கநாயகி, பயிற்சியாளர் எஸ். ரமேஷ் மற்றும் பள்ளி ஆசிரியர்கள் உள்ளிட்டோர் பாராட்டினர்.