அண்ணாமலைப் பல்கலையில் மாணவர்கள் மற்றும் பெற்றோர்களை வரவேற்று அலங்கார வளைவு மற்றும் பேனர்கள்!

சிதம்பரம் அண்ணாமலைப் பல்கலைக்கழகத்தில் பிஇ கவுன்சிலிங் வருகை தரும் மாணவர்கள் மற்றும் பெற்றோர்களை வரவேற்று பல்கலைக்கழக வளாகத்தில் நுழைவு வளைவுகள் மற்றும் பேனர்கள் அமைக்கப்பட்டிருந்தது.

பல்கலைக்கழக வரலாற்றில் மாணவர்கள் மற்றும் பெற்றோர்களை வரவேற்று பேனர் மற்றும் நுழைவு வளைவுகள் வைத்திருந்தது இதுவே முதன் முறையாகும். மாணவர் அனுமதி சேர்க்கை தகுதி மற்றும் அரசின் இடஒதுக்கீடு அடிப்படையில் வழங்கப்படும். வீன் வதந்திகளை நம்ப வேண்டாம், பல்கலைக்கழகம் நிர்ணயிக்கப்பட்ட கட்டணம் மட்டுமே பல்கலைக்கழக மையத்தில் செலுத்த வேண்டும், லஞ்சம் கொடுத்தலோ, பெறுதலோ சட்டப்படி குற்றம் என்ற வாசகங்களுடன் பல்கலைக்கழக சாஸ்திரி ஹால் முன்பு பல்கலைக்கழக நிர்வாகம் சார்பில் பேனர் வைக்கப்பட்டுள்ளது.

இச்செயல் கவுன்சிலிங்கிற்கு வந்த பெற்றோர்களுக்கும், மாணவர்களுக்கும் மிகுந்த உற்சாகத்தை ஏற்படுத்தியது. மேலும் கவுன்சிலிங்கிற்கு வரும் மாணவர்களுக்கு பல்வேறு இடங்களில் வழிகாட்டி பேனர்கள் வைக்கப்பட்டிருந்தனர். கவுன்சிலிங் நடைபெரும் சாஸ்திரி ஹால் இடது புறத்தில் மாணவ, மாணவியர்கள் வசதிக்காக தற்காலிக தனியார் நிறுவனம் ஒன்றின் உணவகம் அமைக்கப்பட்டிருந்தது. மாணவர்களுக்கு விபரங்களை தெரிவிக்க பல்கலைக்கழக ஊழியர்கள் வழிகாட்டிகளாக நியமிக்கப்பட்டிருந்தனர்.