சிதம்பரம் முத்தையா தொழில்நுட்பக்கல்லூரியில் ஜூலை 9-ல் காத்திருப்போருக்கான கலந்தாய்வு

சிதம்பரம் அண்ணாமலைநகர் முத்தையா தொழில்நுட்பக்கல்லூரி அனுமதி சேர்க்கைக்கான காத்திருப்போர் பட்டியலில் உள்ளவர்களுக்கு வருகிற ஜூலை 9-ம் தேதி கலந்தாய்வு நடைபெறுகிறது.

முத்தையா தொழில்நுட்பக்கல்லூரியில் 2013-14 ம் ஆண்டுக்கான முதலாம் ஆண்டு சேர விண்ணப்பித்த மாணவர்களுக்கு அரசு விதிமுறைப்படி மதிப்பெண் அடிப்படையில் தரவரிசைப்படுத்தி, கலந்தாய்வு ஜூலை 3,4,5 தேதிகளில் நடைபெற்றது. முதலாம் ஆண்டு மாணவர்களுக்கான காத்திருப்போர் பட்டியல் கலந்தாய்வு முத்தையா தொழில்நுட்பக்கல்லூரி வளாகத்தில் ஜூலை 9-ம் தேதி நடைபெற உள்ளது. காத்திருப்போர் பட்டியலில் உள்ள மாணவர்களின் தர வரிசைப் பட்டியல் விபரத்தை கல்லூரி அலுவலகத்தில் தெரிந்து கொள்ளலாம் என முதல்வர் ஏ.ஜெயக்குமார் தெரிவித்துள்ளார்.