தருமபுரி இளவரசன் தற்கொலை: சிதம்பரத்தில் விடுதலைச் சிறுத்தைகள் ஆர்ப்பாட்டம்

தருமபுரியில் தலித் இளைஞர் இளவரசன் தற்கொலை குறித்து சிபிஐ விசாரணை நடத்தக் கோரி கடலூர் தெற்கு மாவட்ட விடுதலைச் சிறுத்தைகள் கட்சி சார்பில் சிதம்பரம் காந்திசிலை அருகே கண்டன ஆர்ப்பாட்டம் இன்று நடைபெற்றது.

மாவட்டச் செயலாளர் வ.க.செல்லப்பன் தலைமை வகித்தார். பொருளாளர் அதியமான், மாவட்ட துணைச் செயலாளர்கள் குறிஞ்சிவளவன், வீராசாமி ஆகியோர் முன்னிலை வகித்தனர். மாநில நிர்வாகிகள் ரா.காவியச்செல்வன், பால.அறவாழி, க.ஆதிமூலம், முத்தையன், பன்னீர்செல்வம், மாவட்ட நிர்வாகிகள் மு.வெற்றிவேந்தன், சக்திமோகன், திருமாகரன், நகர நிர்வாகி ரத்தினம், நகரமன்ற உறுப்பினர் பெரு.திருவரசு, ஊராட்சி மன்றத் தலைவர் அரசு, எழில் இன்பவளவன், ராஜாராமன். அழகானந்தம் உள்ளிட்டோர் பங்கேற்றனர்.