மு.க. அழகிரியைக் கண்டித்து திருவாரூரில் விளம்பர பதாகை

திருவாரூர் மாவட்டத்தில் மு.க. அழகிரியைக் கண்டித்து விளம்பர பதாகை ஒட்டப்பட்டுள்ளது.

முன்னாள் திமுக தென்மண்டல அமைப்புச் செயலர் மு.க. அழகிரி, மு.க. ஸ்டாலினை திட்டியதாக, அவரது தந்தையும் திமுக தலைவருமான மு. கருணாநிதி தெரிவித்திருந்தார். இதற்காக மு.க. அழகிரியை கண்டித்து மாநிலம் முழுவதும் கண்டன விளம்பர பதாகை ஒட்டி திமுகவினர் எதிர்ப்புத் தெரிவித்து வருகின்றனர்.

அந்த வகையில் திருவாரூர் மாவட்டத்தில், மாவட்ட திமுக மற்றும் இளைஞரணி சார்பில், கொலை மிரட்டல் விடுக்கும் அழகிரியைக் கண்டிக்கிறோம். தலைவரை காப்போம், கழகத்தைக் காப்போம் என்ற வாசகங்கள் அடங்கிய பதாகையை மாவட்டம் முழுவதும் ஒட்டி கண்டனம் தெரிவித்துள்ளனர்.