மருங்கூர் ஊராட்சியில் ஆழ்துளை கிணறு பழுது: மக்கள் அவதி

பன்ருட்டி ஒன்றியத்துக்குட்பட்டு மருங்கூர் ஊராட்சியில் 2 ஆயிரத்துக்கும் மேற்பட்டோர் வசித்து வருகின்றனர். இவர்களுக்கு ஊராட்சி நிர்வாகத்தின் மூலம் தண்ணீர் விநியோகிக்கப்பட்டு வருகின்றது. இங்கிருந்த 3 ஆழ்துளை நீர்மூழ்கி கிணறுகள் பழுதடைந்ததால் தண்ணீர் விநியோகிப்பதில் பிரச்னை ஏற்பட்டுள்ளது.

எஞ்சியுள்ள ஒரு மோட்டார் மூலம் தண்ணீர் விநியோகிக்கப்பட வேண்டியுள்ளதாலும், 3 மணி  நேரமே மும்முனை மின்சாரம் கிடைப்பதாலும், தண்ணீர் விநியோகிப்பதில் பிரச்னை ஏற்பட்டுள்ளது.

பன்ருட்டி ஊராட்சி நிர்வாகமும், மாவட்ட நிர்வாகமும் விரைந்து நடவடிக்கை எடுத்து தண்ணீர் பிரச்னையை தீர்த்து வைக்க வேண்டும் என பன்ருட்டி ஊராட்சி ஒன்றிய மக்கள் கோரிக்கை விடுத்துள்ளனர்.