தென்னிந்திய நதிகள் இணைப்பதே என் வாழ்நாள் கனவு: ரஜினி

சென்னை நந்தனம் ஒய்.எம்.சி.ஏ. மைதானத்தில் காலா திரைப்படத்தின் இசை வெளியீட்டு விழா இன்று நடைபெற்றது. இதில் பேசிய நடிகர் ரஜினிகாந்த், தென்னிந்திய நதிகளை இணைப்பதே என் வாழ்நாள் கனவு என்றார்.

புத்திசாலியுடன் பழகலாம், அதிபுத்திசாலியுடன் பழகக்கூடாது. நல்லவனாக இருக்கலாம், மிகவும் நல்லவனாக இருக்கக்கூடாது. என் வாழ்வின் கனவுகளில் ஒன்றான தென்னிந்திய நதிகளை இணைப்பதே, அதற்கு பின் நான் கண்ணை மூடினாலும் பரவாயில்லை. 

ரஜினி அவ்வளவுதான் என்று 40 ஆண்டுகளாக சொல்லி கொண்டு இருக்கிறார்கள். ஆனால் நான் ரசிகர்களாலும் ஆண்டவன் அருளாலும் ஓடிக்கொண்டிருக்கிறேன் என்பதை அவர்கள் இன்னும் அறியவில்லை.

75 ஆண்டுகளாக ஒலித்துக் கொண்டிருக்கும் கருணாநிதியின் குரலை கேட்க ஆவலாக இருக்கும் கோடான கோடி ரசிகர்களில் நானும் ஒருவன் என்றார்.