சென்னை: மே தினத்தை முன்னிட்டு தமிழக முதல்வர் மு.க.ஸ்டாலின் மற்றும் அதிமுக உள்ளிட்ட பல்வேறு அரசியல் கட்சித் தலைவர்கள் தொண்டர்களுக்கு வாழ்த்து தெரிவித்துள்ளனர்.
தொழிலாளர் சமுதாயத்திற்கு வாழ்த்து தெரிவித்த முதல்வர் மு.க. ஸ்டாலின், உழைப்பாளர்களுக்கு தனது கட்சி எப்போதும் துணை நிற்கும் என்றார்.
நாங்கள் ஆட்சியில் இருந்த போதெல்லாம் தொழிலாளர் சமூகத்திற்கான நலத்திட்டங்களை செயல்படுத்தி வந்தோம். அதே வேளையில் சட்டமன்றத்தில் எதிர்க்கட்சியாக இருக்கும் போதெல்லாம் தொழிலாளர்களின் உரிமைகளைப் பாதுகாப்பதற்கான பிரச்சினைகளை எழுப்பி வந்தோம் என்றார்.
மே தினத்தில் ஊதியத்துடன் கூடிய விடுமுறை, தொழிலாளர்களுக்கு வழங்கப்படும் 20 சதவீத போனஸ் உள்ளிட்ட தொழிலாளர்களின் நலனுக்காக திமுக அரசு செயல்படுத்திய திட்டங்களை முதல்வர் மு.க.ஸ்டாலின் பட்டியலிட்டார்.
அதிமுக பொதுச் செயலாளர் எடப்பாடி பழனிசாமி தனது மே தின வாழ்த்து செய்தியில், கட்சியின் நிறுவனர் மறைந்த எம்.ஜி.ராமச்சந்திரனும், மறைந்த முதல்வர் ஜெயலலிதாவும் தொழிலாளர்களின் நலனுக்காக பல்வேறு நடவடிக்கைகளை எடுத்துள்ளனர் என்றார்.
இது தொடர்பாக அவர் வெளியிட்டுள்ள அறிக்கையில், அதிமுக ஆட்சியில் செயல்படுத்தப்பட்ட தொழிலாளர் நலத் திட்டங்களை நினைவு கூர்ந்தார்.
அதிமுக பொதுச் செயலாளர் ஓ.பன்னீர்செல்வம், மக்கள் நீதி மய்யம் தலைவரும் நடிகருமான கமல்ஹாசன், இடதுசாரி கட்சிகளான சிபிஐ, மார்க்சிஸ்ட் கம்யூனிஸ்ட், அம்மா மக்கள் முன்னேற்றக் கழகம் (அமமுக) கட்சித் தலைவர் டி.டி.வி.தினகரன் ஆகியோர் வாழ்த்து தெரிவித்துள்ளனர்.
சர்வதேச தொழிலாளர் தினத்தை முன்னிட்டு புதுச்சேரி முதல்வர் என்.ரங்கசாமி வெளியிட்டுள்ள வாழ்த்துச் செய்தியில், தொழிலாளர்களின் நலனே மாநில அரசின் முன்னுரிமை என்றார்.
புதுச்சேரி உள்துறை மற்றும் தொழில்துறை அமைச்சரான ஏ.நமச்சிவாயம், தொழிலாளர் நலத்துறை அமைச்சர் எஸ்.சந்திர பிரியங்கா மற்றும் பல்வேறு அரசியல் கட்சித் தலைவர்கள், தொழிற்சங்க நிர்வாகிகள் மே தினத்தை முன்னிட்டு தொழிலாளர்களுக்கு வாழ்த்து தெரிவித்தனர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.