விளாத்திகுளத்தில் திமுக வெற்றி

தூத்துக்குடி மாவட்டம் விளாத்திகுளம் தொகுதியில் திமுக வேட்பாளர் ஜீ.வி. மார்க்கண்டேயன் வெற்றி பெற்றார்.

அவரை எதிர்த்து போட்டியிட்ட அதிமுக வேட்பாளர் பி. சின்னப்பன் 51,237 வாக்குகளை மட்டுமே பெற்றார். 

 தூத்துக்குடி மாவட்டம் விளாத்திகுளம் பேரவைத் தொகுதியில் கடந்த ஏப்ரல் 6 ஆம் தேதி நடைபெற்ற வாக்குப்பதிவின் போது 1,65,112 வாக்குகள் பதிவாகின.

வாக்கு எண்ணிக்கை ஞாயிற்றுக்கிழமை நடைபெற்ற நிலையில் தொடக்கம் முதலே திமுக வேட்பாளர் ஜீ. வி. மார்க்கண்டேயன் முன்னிலை வகித்து வந்தார். இறுதியில் இருபத்தி நான்கு சுற்றுகள் முடிவடைந்த நிலையில் அவர் 89,130 வாக்குகள் பெற்று வெற்றி பெற்றார். 

அவரை எதிர்த்து போட்டியிட்ட அதிமுக வேட்பாளர் பி. சின்னப்பன் 51,237 வாக்குகள் பெற்று 2 ஆவது இடத்தையும், நாம் தமிழர் கட்சி வேட்பாளர் பாலாஜி 11,697 வாக்குகள் பெற்று மூன்றாவது இடத்தையும் பெற்றனர்.

தற்போது திமுக சார்பில் வெற்றி பெற்றுள்ள ஜீ.வி. மார்க்கண்டேயன், கடந்த 2011 தேர்தலில் அதிமுக சார்பில் போட்டியிட்டு வெற்றி பெற்றவர் ஆவார்.