ஓடிடியில் அந்தகன்!

பிரசாந்த் நடிப்பில் திரையரங்குகளில் வெளியான அந்தகன் திரைப்படம் ஓடிடி தளத்தில் வெளியாகியுள்ளது.

ஆயுஷ்மன் குரானா, தபு, ராதிகா ஆப்தே நடிப்பில் உருவான அந்தாதுன் படம், இந்தியாவில் 2018 அக்டோபர் மாதம் வெளியாகி, ரூ. 100 கோடிக்கும் அதிகமாக வசூலித்தது.

இப்படத்தின் தமிழ் ரீமேக் உரிமையை பிரசாந்தின் தந்தை நடிகர் தியாகராஜன் பெற்று இருந்தார்.

பொன்மகள் வந்தாள் படத்தை இயக்கிய ஜேஜே பிரட்ரிக், அந்தாதுன் தமிழ் ரீமேக்கை இயக்குவதாக முதலில் அறிவிக்கப்பட்டது. பின்னர் இயக்குநர் பொறுப்பை தியாகராஜனே ஏற்றுக்கொண்டார்.

இதையும் படிக்க: ஓடிடியில் ஸ்குவிட் கேம் - 2!

அந்தகன் எனப் பெயரிடப்பட்ட இப்படத்தில் பிரசாந்த், சிம்ரன், ப்ரியா ஆனந்த், கார்த்திக், சமுத்திரக்கனி, யோகி பாபு, ஊர்வசி, கே.எஸ். ரவிகுமார், வனிதா விஜயகுமார் போன்றோர் நடித்துள்ளார்கள்.

இப்படத்துக்கு சந்தோஷ் நாராயணன் இசையமைக்க ஒளிப்பதிவை ரவி யாதவ் மேற்கொண்டுள்ளார். 2021இல் படப்பிடிப்பு தொடங்கி 2022இல் முடிக்கப்பட்டது.

பல்வேறு பிரச்னைகளால் இப்படம் வெளியாகமல் இருந்த நிலையில், கடந்த ஆக.9 ஆம் தேதி திரையரங்குகளில் வெளியாகி கலவையான விமர்சனங்களைப் பெற்றது.

இந்த நிலையில், அந்தகன் திரைப்படம் ஆஹா தமிழ் ஓடிடி தளத்தில் தற்போது காணக்கிடைக்கிறது.