பிரபாஸ் நடித்து வெளியான ’கல்கி 2898 ஏடி’ திரைப்படத்தின் 4 நாள்கள் வசூல் விவரம் வெளியாகியுள்ளது.
நடிகர் பிரபாஸ் நடிப்பில் வெளியான திரைப்படம் 'கல்கி 2898 ஏடி'. இப்படம் கடந்த ஜூன் 27-ல் திரையரங்குகளில் வெளியாகி நல்ல வரவேற்பை பெற்று வருகிறது.
இப்படத்தில் கமல்ஹாசன், அமிதாப் பச்சன் ஆகியோர் நடித்துள்ளதால், ரசிகர்கள் மத்தியில் இப்படத்தின் மீது மிகுந்த எதிர்பார்ப்பு எழுந்தது.
நாக் அஸ்வின் இயக்கியுள்ள இப்படத்திற்கு சந்தோஷ் நாராயணன் இசையமைத்துள்ளார்.
மூன்று நாள்கள் முடிவில் 'கல்கி 2898 ஏடி' மொத்தமாக ரூ. 415 கோடியை வசூலித்ததாக தயாரிப்பு நிறுவனம் முன்னதாக தெரிவித்து இருந்தது.
இந்த நிலையில், 'கல்கி 2898 ஏடி' திரைப்படம் உலகம் முழுவதும் நான்கு நாள்களில் ரூ. 555 கோடி வசூல் செய்துள்ளதாக படக்குழு அதிகாரப்பூர்வமாக போஸ்டர் வெளியிட்டு தெரிவித்துள்ளது.
