இணைந்து செயல்பட்டு கட்சியை வலுப்படுத்துங்கள்: சித்தராமையா, டி.கே.சிவகுமாரிடம் ராகுல் வலியுறுத்தல்

புது தில்லி: கா்நாடகத்தில் நடந்து வரும் அரசியல் நடவடிக்கைகள் குறித்து முதல்வர் சித்தராமையா மற்றும் துணை முதல்வர் டி.கே.சிவக்குமார் இருவரும் மக்களவை எதிா்க்கட்சித் தலைவா் ராகுல் காந்தியை செவ்வாய்க்கிழமை சந்தித்தபோது, இரு தலைவர்களும் ஒன்றிணைந்து செயல்பட்டு கட்சியை வலுப்படுத்துமாறும், மாநில அரசை ஒருங்கிணைந்து நடத்துமாறு ராகுல் வலியுறுத்தியதாக காங்கிரஸ் வட்டார தகவல்கள் தெரிவிக்கின்றன.

மாநிலத்தில் காங்கிரஸ் தலைவருக்குள் கோஷ்டி பூசல்கள் இருப்பதாகக் கூறப்படும் செய்திகளை அடுத்து, மக்களவை எதிர்க்கட்சித் தலைவர் கட்சியை வலுப்படுத்த வேண்டியதன் அவசியத்தை வலியுறுத்தினார்.

கடந்த ஆண்டு நடந்த சட்டப்பேரவைத் தோ்தலில் 136 இடங்களில் வென்று ஆட்சியைக் கைப்பற்றிய காங்கிரஸ், தோ்தலின்போது அளித்த வாக்குறுதியின்படி 5 திட்டங்களை அமல்படுத்தியது. இந்தத் திட்டங்கள் அமல்படுத்தப்பட்டபோதும், அண்மையில் நடந்து முடிந்த மக்களவைத் தோ்தலில் கா்நாடகத்தில் மொத்தமுள்ள 28 தொகுதிகளில் 9 தொகுதிகளை மட்டுமே காங்கிரஸ் கட்சியால் கைப்பற்ற முடிந்தது. மஜத, மாநிலத்தில் ஓராண்டுக்கு முன்பு ஆட்சியில் இருந்து அகற்றப்பட்ட பாஜக கூட்டணி 17 இடங்களில் வெற்றி பெற்றது. மறுபுறம், மதச்சார்பற்ற ஜனதா தளம் இரண்டு இடங்களில் வெற்றி பெற்றது.

இது கா்நாடகத்தில் காங்கிரஸ் கட்சிக்கு பின்னடைவாகக் கருதப்பட்டது.

காங்கிரஸ் தனது 2019 செயல்பாடுகளில் முன்னேற்றம் கண்டாலும், ஒரு இடத்தில் மட்டும் வெற்றி பெற முடிந்தது, மாநிலத்தில் கட்சியின் செயல்பாடுகள் தலைமையின் எதிர்பார்ப்புகளுக்குக் குறைவாக இருந்தது.

இதனிடையே, வால்மீகி பழங்குடியினா் வளா்ச்சிக் கழகத்தில் ரூ. 187 கோடி முறைகேடு நடந்துள்ளதாக குற்றச்சாட்டு எழுந்தது. இதைத் தொடா்ந்து, முதல்வா் சித்தராமையாவின் மனைவி பாா்வதிக்கு சாதகமாக மாற்று நிலம் ஒதுக்கியதாகவும், வீட்டுமனைகள் ஒதுக்கியதில் ரூ. 4,000 கோடி அளவுக்கு மைசூரு நகர வளா்ச்சி ஆணையம் முறைகேட்டில் ஈடுபட்டதாக பாஜக குற்றம் சாட்டியது. இந்த பிரச்னைகளை முன்வைத்து சட்டப்பேரவைக்கு உள்ளேயும் வெளியேயும் தீவிர போராட்டங்களை பாஜக, மஜத கட்சிகள் முன்னெடுத்து வருகின்றன.

மாற்று நில முறைகேடு தொடா்பாக முதல்வா் சித்தராமையா ராஜிநாமா செய்யக் கோரி ஆக. 3 முதல் 7 நாள்களுக்கு பெங்களூரில் இருந்து மைசூரு வரை நடைப்பயணம் நடத்த பாஜக திட்டமிட்டுள்ளது. இந்தப் போராட்டத்தை முறியடிக்க காங்கிரஸ் தயாராகி வருகிறது.

இந்த நிலையில், கா்நாடகத்தில் நடந்து வரும் அரசியல் நடவடிக்கைகள் குறித்து காங்கிரஸ் மேலிடத் தலைவா்களிடம் எடுத்துக் கூறுவதற்காக செவ்வாய்க்கிழமை (ஜூலை 30) முதல்வா் சித்தராமையா, துணை முதல்வா் டி.கே.சிவகுமாா் ஆகியோா் தில்லி சென்றனர்.

மக்களவை எதிா்க்கட்சித் தலைவா் ராகுல் காந்தி, அகில இந்திய காங்கிரஸ் கட்சித் தலைவா் மல்லிகாா்ஜுன காா்கே,கட்சியின் பொதுச் செயலாளர்கள் ரன்தீப் சுர்ஜேவாலா மற்றும் கே.சி.வேணுகோபால் உள்ளிட்டோரை சந்தித்தனர்.

இந்த சந்திப்பின்போது, " மக்களவைத் தேர்தலுக்கு பின், கர்நாடக முதல்வர் மற்றும் துணை முதல்வர் இடையே நிலவும் கோஷ்டி பூசல் காரணமாக, அனைத்து தலைவர்களும் ஒன்றிணைந்து செயல்படுமாறு ராகுல் காந்தி கேட்டுக்கொண்டார். ஒருங்கிணைந்து ஆட்சியை நடத்தும்படி கேட்டுக் கொண்டார்" என்று காங்கிரஸ் வட்டார தகவல்கள் தெரிவிக்கின்றன.

மேலும், கட்சியை வலுப்படுத்தவும், சமீபத்திய மக்களவைத் தேர்தலில் எதிர்பார்த்த அளவுக்கு இடங்கள் கிடைக்காமல் போனதற்கான காரணங்களை ஆராய்ந்து அவற்றை சரிசெய்யுமாறு இருவரையும் ராகுல் கேட்டுக் கொண்டார்,” என்று அந்த வட்டாரங்கள் மேலும் தெரிவித்தன.

இரு தலைவர்களுக்கும் இடையே கோஷ்டி பூசல் மற்றும் விரிசல்கள் ஏற்படுவதாக அவ்வப்போது தகவல்கள் வெளியாகி வந்ததைத் தொடர்ந்து, கட்சி உயர் அதிகாரிகள் தலையிட்டு, இரு தலைவர்களையும் ஒன்றிணைந்து செயல்பட வலியுறுத்தினர் என்று தெரிவிக்கின்றன.