2024 மக்களவைத் தேர்தல் தேதிகள் அறிவிக்கப்பட்டதாக வாட்ஸ் ஆப்பில் பொய்யான செய்தி பகிரப்பட்டு வருவதாகத் தேர்தல் ஆணையம் தெரிவித்துள்ளது.
வாட்ஸ் ஆப்பில் பரவிவரும் வதந்தி பற்றி எக்ஸ் வலைத்தளத்தில் இந்தியத் தேர்தல் ஆணையம் குறிப்பொன்றை வெளியிட்டுள்ளது.
இந்தச் செய்தி தவறு. இதுவரையிலும் மக்களவைத் தேர்தல் தேதிகள் தொடர்பாக இந்தியத் தேர்தல் ஆணையம் எவ்வித அறிவிப்பும் வெளியிடவில்லை.
அறிவிக்கப்பட்ட செய்தியாளர்கள் சந்திப்பில் தேர்தல் தேதிகள் அறிவிக்கப்படும் என்றும் தேர்தல் ஆணையம் தெரிவித்துள்ளது.