தங்கம் விலை அதிரடி உயர்வு: எவ்வளவு தெரியுமா?

சென்னையில் ஆபரணத் தங்கத்தின் விலை அதிரடியாக சவரனுக்கு ரூ. 560 உயர்ந்துள்ளது.

கடந்த சில நாள்களாக ஆபரணத் தங்கத்தின் விலை ஏற்ற, இறக்கமாக இருந்து வந்த நிலையில், வாரத்தின் முதல் நாளான திங்கள்கிழமை அதிரடியாக சவரனுக்கு ரூ.480 உயா்ந்து, ரூ.55,960-க்கு விற்பனையானது.

இந்த நிலையில், சென்னையில் ஆபரணத் தங்கத்தின் விலை இன்று(நவ. 19) சவரனுக்கு ரூ. 560 உயர்ந்து ரூ. 56,520 விற்பனை செய்யப்படுகிறது. அதேபோல் கிராமுக்கு ரூ. 70 உயர்ந்து ரூ. 7065-க்கு விற்பனையாகிறது.

இதையும் படிக்க: தொடர் மழை: எந்தெந்த மாவட்டங்களில் பள்ளிகளுக்கு விடுமுறை?

வெள்ளியின் விலை கிராமுக்கு ரூ. 2 உயர்ந்து ரூ. 101-க்கும், ஒரு கிலோ கட்டி வெள்ளி ரூ. 1,01,000-க்கும் விற்பனை செய்யப்படுகிறது.

அமெரிக்க டாலா் மற்றும் பிட்காயின் மதிப்பு உயா்வு, தங்கத்தின் மீதான முதலீடு குறைவு உள்ளிட்ட காரணங்களால் கடந்த வாரம் தங்கம் விலை தொடர்ந்து குறைந்து வந்த நிலையில், மீண்டும் அதிகரிக்க தொடங்கியுள்ளது.

சென்னையில் கடந்த 2 நாள்களில் மட்டும் சவரனுக்கு ரூ. 1,040 அதிகரித்துள்ளது குறிப்பிடத்தக்கது.