தங்கம் விலை அதிரடி குறைவு! இன்றைய நிலவரம்!

சென்னையில் ஆபரணத் தங்கத்தின் விலை இன்று(பிப். 15) சவரனுக்கு ரூ. 800 குறைந்துள்ளது.

சென்னையில் தங்கம் விலை ஏற்ற, இறக்கமாக இருந்து வரும் நிலையில், செவ்வாய்க்கிழமை கிராமுக்கு சவரனுக்கு ரூ. 640 உயா்ந்து ரூ. 64,480-க்கும் விற்பனையாகி புதிய உச்சத்தை தொட்டது.

புதன்கிழமை சவரனுக்கு ரூ. 960 குறைந்து ரூ. 63,520-க்கு விற்பனையானது. தொடா்ந்து, வியாழக்கிழமை தங்கம் விலை சவரனுக்கு ரூ. 320 உயா்ந்து ரூ. 63,840-க்கும் வெள்ளிக்கிழமை சவரனுக்கு ரூ. 80 உயா்ந்து, ரூ.63,920-க்கும் விற்பனையானது.

இதையும் படிக்க: அதானி குழும லாரியால் இருவர் பலி! 8 வாகனங்களை எரித்து கலவரம்!

இந்த நிலையில், ஆபரணத் தங்கத்தின் விலை சனிக்கிழமை அதிரடியாக சவரனுக்கு ரூ. 800 குறைந்து ரூ. 63,120-க்கும் கிராமுக்கு ரூ. 100 குறைந்து ரூ. 7,890-க்கும் விற்பனையாகிறது.

வெள்ளி விலை தொடர்ந்து 2-ஆவது நாளாக எவ்வித மாற்றமின்றி கிராம் ரூ. 108-க்கும், கட்டி வெள்ளி (ஒரு கிலோ) ரூ.1,08,000-க்கும் விற்பனை செய்யப்படுகிறது.