புத்தாண்டு: கவன ஈர்ப்புச் சித்திரம் வெளியிட்ட கூகுள்!

புத்தாண்டை முன்னிட்டு, கூகுள் நிறுவனம் ஒரு சுவாரஸ்யமான கவன ஈர்ப்புச் சித்திரத்தை(டூடுல்) வெளியிட்டுள்ளது.

உலகின் பிரபல தேடுபொறி தளமான கூகுள் நிறுவனம் முக்கியஸ்தர்களின் பிறந்தநாள், விடுமுறை நாள்கள், முக்கிய தேதிகள் உள்பட சிறப்புத் தினங்களை அனிமேஷன்கள், ஸ்லைடுஷோக்கள், விடியோக்கள் மற்றும் கேம்கள் உள்பட பல்வேறு வடிவங்களில் வழங்கி மக்களின் கவனத்தை ஈர்த்து வருகின்றது.

இதையும் படிக்க: புத்தாண்டில் தங்கம் விலை உயர்வு!

அந்த வகையில் இன்று(ஜன. 1) புத்தாண்டு நாளை முன்னிட்டு, கூகுள் நிறுவனம் ஒரு சுவாரஸ்யமான கவன ஈர்ப்புச் சித்திரத்தை வெளியிட்டுள்ளது.

அதில், 2025 புத்தாண்டை வரவேற்கும் வகையில் மின்னும் நட்சத்திரங்களின் பின்னணியில் ‘O’ என்ற எழுத்தில் 25 என்ற எண் வடிவமைக்கப்பட்டுள்ளது.

அனைவருக்கும் 2025 புத்தாண்டு வாழ்த்துகளையும் கூகுள் நிறுவனம் தெரிவித்துள்ளது.