புத்தாண்டில் தங்கம் விலை உயர்வு!

ஆங்கிலப் புத்தாண்டின் முதல் நாளான இன்று தங்கத்தின் விலை சவரனுக்கு ரூ. 320 உயர்ந்துள்ளது.

சென்னையில் ஆண்டின் கடைசி நாளான நேற்று தங்கம் சவரனுக்கு ரூ. 320 குறைந்து, ரூ. 56,880-க்கும் விற்பனை செய்யப்பட்டது.

இந்த நிலையில், புத்தாண்டின் முதல் நாளான இன்று தங்கத்தின் விலை சவரனுக்கு ரூ. 320 அதிரடியாக உயர்ந்துள்ளது. ஒரு கிராம் ரூ. 7,150-க்கும், ஒரு சவரன் ரூ. 57,200-க்கும் விற்பனை செய்யப்படுகிறது.

வெள்ளி விலை மாற்றமின்றி நேற்றைய விலையிலேயே விற்பனை ஆகிறது. ஒரு கிராம் ரூ. 98-க்கும், ஒரு கிலோ கட்டி வெள்ளி ரூ. 98,000-க்கும் விற்பனை செய்யப்படுகிறது.