மகிழ்ச்சி செய்தியைப் பகிர்ந்த சின்ன திரை நடிகர்!

சின்ன திரை நடிகர் அவினாஷ் மகிழ்ச்சி செய்தி ஒன்றினை சமூக வலைதளத்தில் வெளியிட்டுள்ளார்.

சன் தொலைக்காட்சியில் ஒளிபரப்பான அழகு தொடர் மூலம் சின்ன திரையில் நடிகராக அறிமுகமானவர் நடிகர் அவினாஷ். இத்தொடரின் நடித்ததன் மூலம் ரசிகர்கள் மத்தியில் பிரபலமான இவர், அடுத்தடுத்து அம்மன், சாக்லேட் உள்ளிட்ட தொடர்களில் நடித்திருந்தார்.

இதனிடையே கயல் தொடரில் நடித்துவந்த அவினாஷ், திடீரென்று இத்தொடரில் இருந்து விலகினார். தற்போது இவர் விஜய் தொலைக்காட்சியில் ஒளிபரப்பாகி வரும் வீட்டுக்கு வீடு வாசப்படி தொடரில் கண்ணன் பாத்திரத்தில் நடித்து வருகிறார்.

நடிகர் அவினாஷ் பள்ளிக் காலத்தில் இருந்து கிட்டத்தட்ட 13 ஆண்டுகள் காதலித்து வந்த தெரசா மரியாவை கடந்த செப்டம்பரில் திருமணம் செய்துகொண்டார்.

இதையும் படிக்க: நேசிப்பாயா வெளியீட்டுத் தேதி!

இந்த நிலையில், அவினாஷ் தான் தந்தையாகப்போவதை இன்ஸ்டாகிராமில் ரசிகர்களுக்கு தெரிவித்துள்ளார். மேலும் குழந்தையின் ஸ்கேன் ரிப்போர்ட்டுடன் புகைப்படம் எடுத்து வெளியிட்டுள்ளார். இப்புகைப்படங்கள் இணையத்தில் வைரலாகி வருகிறது.

அவினாஷ் - தெரசா மரியாவுக்கு ரசிகர்கள் தங்களது வாழ்த்துகளை தெரிவித்து வருகின்றனர்.

பாக்கியலட்சுமி தொடரில் நடித்துவரும் நடிகை அன்ஷிதாவின் சகோதரர்தான் அவினாஷ் என்பது குறிப்பிடத்தக்கது.