இறுதிப் போட்டிக்கு முன்னேறியது பிஎஸ்ஜி..! ரியல் மாட்ரிட் (0-4) மோசமான தோல்வி!

கிளப் உலகக் கோப்பையில் அரையிறுதியில் பிஎஸ்ஜி வென்றது குறித்து...
PSG players celebrate after scoring a goal.
கோல் அடித்த மகிழ்ச்சியில் பிஎஸ்ஜி அணி வீரர்கள். படம்: எக்ஸ் / கிளப் உலகக் கோப்பை
Published on
Updated on
1 min read

கிளப் உலகக் கோப்பையில் அரையிறுதியில் ரியல் மாட்ரிட்டை 4-0 என வீழ்த்தி பிஎஸ்ஜி அணி இறுதிப் போட்டிக்கு முன்னேறியது.

அமெரிக்காவில் நடைபெற்றுவரும் ஃபிஃபா கிளப் உலகக் கோப்பையில் அரையிறுதி போட்டிகள் முடிவடைந்துள்ளன.

பெரும் எதிர்பார்ப்புக்கு மத்தியில் தொடங்கிய பிஎஸ்ஜி - ரியல் மாட்ரிட் போட்டி ஒரு பக்கமாகவே சென்றது.

இந்தப் போட்டியில் முதல் 25 நிமிஷங்களில் (6’, 9’, 24’) 3 கோல்களை அடித்து மிரட்டியது பிஎஸ்ஜி.

இரண்டாம் பாதியில் 87ஆவது நிமிஷத்திலும் பிஎஸ்ஜி ஒரு கோல் அடித்து 4-0 என பிஎஸ்ஜி அபார வெற்றி பெற்றது.

இந்தப் போட்டியில் பிஎஸ்ஜி அணி 69 சதவிகிதம் பந்தினை தனது கட்டுப்பாட்டுக்குள் வைத்திருந்தது. 92 சதவிகிதம் துல்லியமாக பந்தினை பாஸ் செய்து அசத்தியதும் வெற்றிக்கு முக்கியமானதாக இருக்கிறது.

பிஎஸ்ஜி அணியில் 2 கோல்கள் அடித்த ஃபேபியன் ரூயிஸ் ஆட்ட நாயகன் விருது வென்றார்.

பிஎஸ்ஜி அணி இலக்கை நோக்கி 7 முறை அடிக்க ரியல் மாட்ரிட் 2 முறை மட்டுமே முயற்சித்தது. அதையும் கோல் கீப்பர் தடுத்துவிட்டார்.

இறுதிப் போட்டியில் செல்ஸி அணியுடன் பிஎஸ்ஜி மோதுகிறது. நடப்பு சாம்பியனான ரியல் மாட்ரிட் பரிதாபமாக தோல்வியுற்றது.

Summary

Paris Saint-Germain ran riot against Real Madrid and dispatched them 4–0 in the Club world cup semifinals.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

Related Stories

No stories found.
X
Dinamani
www.dinamani.com