பிரிட்டிஷ் டி.வி ஷோவால், ஓரிரவில் ஹீரோவான இந்திய வம்சாவளிச் சிறுவன்!

ராகுல் எனும் இந்திய வம்சாவளிச் சிறுவன், பிரிட்டிஷ் டி.வி ஷோ ஒன்றால் ஓரிரவில் யூ.கே முழுதும் அறியப்பட்ட பிரபலமாகி ஹீரோ ரேஞ்சில் கொண்டாடப்பட்டுக் கொண்டிருக்கிறான். அந்தச் சிறுவனின் புத்திக் கூர்மையை எண்ணி, எண்ணி வியந்து போகிறார்களாம் பிரிட்டன்வாசிகள். அப்படியென்ன செய்து விட்டான் அந்தச் சிறுவன் என்கிறீர்களா? பிரிட்டிஷ் டி.வி சேனலான சேனல் 4 இல்  நடத்தப்படும் ‘சைல்டு ஜீனியஸ்’ எனும் அறிவுக் கூர்மை நிகழ்ச்சி உலகப் பிரசித்தமானது. அந்த நிகழ்ச்சியில் கலந்து கொண்ட 12 வயது ராகுல், நிகழ்ச்சியின் முதற்சுற்றில் கேட்கப்பட்ட 14 கேள்விகளுக்கும் மிகச் சரியான விடையளித்து வெற்றிகரமாக அடுத்த சுற்றில் கலந்து கொள்ளத் தகுதியானவர் ஆகியிருக்கிறார். சிறுவன் ராகுலின் குடும்பப் பெயர் என்னவென்று இன்னமும் சரியாகத் தெரியவில்லை, ஆனால் இந்தச் சிறுவனின் ஐ.க்யூ லெவல் 162 என்கிறார்கள்.