கிரீன் டீ குடித்தால் ரத்த சர்க்கரை அளவு குறையுமா? ஆய்வில் முக்கிய தகவல்

ஆராய்ச்சியின் படி, கிரீன் டீ  குடித்தால் உண்ணாநிலை ரத்த சர்க்கரை(FBS) அளவு கணிசமாகக் குறைவதாக சேகரிக்கப்பட்ட முடிவுகள் தெரிவிக்கின்றன.

கிரீன் டீ குடிப்பதால் உங்கள் இடுப்புப் பகுதியை குறைக்க உதவுவது மட்டுமல்லாமல், நீரிழிவு நோயைக் குறைப்பதில் நன்மை பயக்கும் என்று ஒரு ஆய்வு கண்டறிந்துள்ளது. வகை 2 நீரிழிவு நோய் ஒரு குறிப்பிடத்தக்க உலகளாவிய பொது சுகாதார சவாலான நோய் ஆகும். வகை 2 நீரிழிவு நோய் 2045 ஆம் ஆண்டுக்குள் 693 மில்லியன் மக்களை பாதிக்கும் என்று கணிக்கப்பட்டுள்ளது. 

வகை 2 நீரிழிவு நோயானது மாரடைப்பு, பக்கவாதம், பார்வைக் கோளாறு, சிறுநீரக செயலிழப்பு மற்றும் ஊனம் போன்ற மோசமான சுகாதார விளைவுகளுடன் தொடர்புடையதாக உள்ளது.

ஊட்டச்சத்து மற்றும் வளர்சிதை மாற்ற இதழில் வெளியிடப்பட்ட 27 சோதனைகளின் மெட்டா பகுப்பாய்வின் அடிப்படையில் இந்த ஆய்வு, கிரீன் டீ குடித்தால் உண்ணாநிலை ரத்த சர்க்கரை(FBS) அளவு குறைகிறது என்று கண்டறியப்பட்டுள்ளது.

கிரீன் டீ குடிப்பது உண்ணாநிலை ரத்த சர்க்கரை (FBS) அல்லது HbA1c ஹீமோகுளோபினுடன் இணைக்கப்பட்ட ரத்த சர்க்கரை (சர்க்கரை) அளவு குறைவதாக  சோதனையில் கண்டறிந்தனர்.

சீனாவில் உள்ள ஹுவாஜோங் அறிவியல் மற்றும் தொழில்நுட்ப பல்கலைக்கழகத்தின் குழு 2,194 பங்கேற்பாளர்களை உள்ளடக்கிய 27 ஆய்வுகளின் முடிவுகளை ஆய்வு செய்தது. கிரீன் டீ உண்ணாநிலை ரத்த சர்க்கரை(FBS) கணிசமாகக் குறைப்பதாக சேகரிக்கப்பட்ட முடிவுகள் காட்டுகின்றன.

குறுகிய கால சோதனைகள் கிரீன் டீ உண்ணாநிலை சர்க்கரை அளவை குறைத்துள்ளது என்று தெரிவிக்கிறது. கிளைசெமிக் கட்டுப்பாட்டில் கிரீன் டீ கூடுதல் விளைவுகளை ஏற்படுத்தும் என்று நீண்ட கால சோதனைகள்  குழு தெரிவித்துள்ளது.

கிரீன் டீயானது கேமிலியா சினென்சிஸின் புதிய இலைகளிலிருந்து தயாரிக்கப்படுகிறது. குறிப்பாக ஆசிய நாடுகளில் ஒரு முக்கிய பானமாகவும்,  மருத்துவப் பொருளாக பயன்படுகிறது.

இதில் ஆன்டிஆக்ஸிடன்ட்கள், வைட்டமின்கள், கார்போஹைட்ரேட்டுகள், புரதம், தாதுக்கள் மற்றும் ஃபிளாவனாய்டு போன்ற பாலிபினால்கள் உள்ளிட்ட பல்வேறு பயனுள்ள சேர்மங்கள் உள்ளன. இது நீரிழிவு நோயைத் தடுப்பதில் பயனுள்ளதாக உள்ளது.