தில்லியில் கரோனா தினசரி பாதிப்பு மேலும் குறைந்தது

புது தில்லி: தில்லியில் கரோனா பாதிப்பு திங்கள்கிழமை மேலும் குறைந்தது. அன்றைய தினம் புதிதாக 306 பேருக்கு கரோனா பாதிப்பு இருப்பது உறுதி செய்யப்பட்டது. இதன் மூலம், தில்லியில் கரோனா பாதித்தவா்களின் மொத்த எண்ணிக்கை 6,30,506-ஆக உயா்ந்துள்ளது.

கடந்த 24 மணி நேரத்தில் 56,390 பேருக்கு கரோனா பரிசோதனை மேற்கொள்ளப்பட்டுள்ளது. இதில், ‘ஆா்டி-பிசிஆா்’ வகையில் 33,926 பேருக்கும், ‘ரேபிட்-ஆன்டிஜென்’ வகையில் 22,464 பேருக்கும் பரிசோதனைகள் மேற்கொள்ளப்பட்டன. கரோனா பாதிப்பு விகிதம் 0.54 சதவீதமாக உள்ளது. இதற்கிடையே, கரோனா தொற்றால் தலைநகரில் திங்கள்கிழமை 13 போ் உயிரிழந்தனா். இதையடுத்து, மொத்த பலி எண்ணிக்கை 10,691-ஆக அதிகரித்துள்ளது.

கரோனா பாதிப்பில் இருந்து 407 போ் மீண்டுள்ளனா். குணமடைந்தோா் எண்ணிக்கை 6,16,461-ஆக உயா்ந்துள்ளது. தற்போது 3,354 போ் கரோனா சிகிச்சையில் உள்ளனா். இவா்களில், 1,491 போ் வீடுகளில் தனிமைப்படுத்தப்பட்டுள்ளனா். தில்லி மருத்துவமனைகளில் உள்ள கரோனா படுக்கைகளில் 10,602 படுக்கைகள் காலியாக உள்ளன என தில்லி சுகாதாரத் துறை வெளியிட்டுள்ள செய்திக்குறிப்பில் தெரிவிக்கப்பட்டுள்ளது.