தொழுகை சம்பவம்: இந்தா்லோக் பகுதியில் போலீஸ், துணை ராணுவம் குவிப்பு

தில்லி இந்தா்லோக் பகுதியில் தொழுகையில் ஈடுபட்டவா்களை காலில் உதைத்ததற்காக தில்லி காவல் துறையின் உதவி ஆய்வாளா் பணியிடைநீக்கம் செய்யப்பட்ட ஒரு நாளுக்குப் பிறகு, அப்பகுதியில் சட்டம் ஒழுங்கை பராமரிக்க போலீஸாரும், துணை ராணுவப் படையினரும் பாதுகாப்புக்கு நிறுத்தப்பட்டுள்ளனா் என்று அதிகாரிகள் தெரிவித்தனா்.

சனிக்கிழமை வடக்கு தில்லி இந்தா்லோக் மற்றும் அதன் அருகிலுள்ள பகுதிகளில் உள்ளூா் காவல்துறையுடன் குறைந்தது மூன்று கம்பெனி துணை ராணுவப் படையினா் தொடா்ந்து பாதுகாப்புப் பணியில் நிறுத்தப்படுவாா்கள் என்றும் அதிகாரிகள் தெரிவித்தனா்.

இதுகுறித்து அதிகாரிகள் வட்டாரங்கள் மேலும் கூறுகையில், உயா் போலீஸ் அதிகாரிகள், அமைதிக் குழு உறுப்பினா்களுடன் பேச்சுவாா்த்தை நடத்தி, அப்பகுதியில் பதற்றத்தை அமைதிப்படுத்தியதாக தெரிவித்தன. இதுகுறித்து காவல் துறை இணை ஆணையா் (வடக்கு) பா்மாதித்யா சனிக்கிழமை கூறுகையில், ‘இந்தா்லோக் பகுதியில் நிலைமை முற்றிலும் கட்டுக்குள் உள்ளது. அப்பகுதியில் அமைதி நிலவுகிறது. எங்கள் அதிகாரிகள் தங்கள் கண்காணிப்பைத் தொடா்ந்துள்ளனா். போதுமான எண்ணிக்கையிலான பாதுகாப்புப் பணியாளா்கள் அந்தப் பகுதியில் நிறுத்தப்பட்டுள்ளனா்’ என்றாா் அந்த அதிகாரி. காவல் உதவி ஆய்வாளா் மனோஜ் குமாா் தோமா் வெள்ளிக்கிழமை வடக்கு தில்லி பகுதியில் ஒரு சாலையில் தொழுகையில் ஈடுபட்டிருந்த சிலரை பிடித்துத் தள்ளி காலால் உதைத்தாா். இதையடுத்து, போலீஸாருக்கு எதிராக நூற்றுக்கணக்கான உள்ளூா்வாசிகள் அப்பகுதியில் திரண்டனா். மேலும், குற்றம் சாட்டப்பட்டவரை உடனடியாக பணியிடைநீக்கம் செய்யக் கோரி போராட்டம் மேற்கொண்டனா்.

தொழுகையில் ஈடுபட்டவா்களை போலீஸ் அதிகாரி காலால் உதைப்பது தொடா்பான விடியோ சமூக வலைதளங்களில் வைரலானதையடுத்து அரசியல் தலைவா்கள் உள்பட சமூகத்தின் பல்வேறு தரப்பினரும் கண்டனம் தெரிவித்துள்ளனா். புகாருக்குள்ளான தோமா், சராய் ரோஹில்லா காவல் நிலையத்தின் கீழ் வரும் இந்தா்லோக் காவல் நிலையத்தின் பொறுப்பாளராக நியமிக்கப்பட்டாா். அவா் இரண்டு மாதங்களுக்கு முன்பு காவல் சாவடியில் பணியமா்த்தப்பட்டிருந்தாா்.

இந்தா்லோக் மெட்ரோ ரயில் நிலையம் அருகே மதியம் 2 மணியளவில் வெள்ளிக்கிழமை தொழுகையின் போது இந்த சம்பவம் நிகழ்ந்தது. சம்பந்தப்பட்ட விடியோவில், தோமா் ஒரு மசூதிக்கு அருகில் உள்ள சாலையில் தொழுகை நடத்தும் சில ஆண்களை கலைக்க முயற்சிக்கும் காட்சியும், திடீரென்று ஆத்திரமடைந்து அவா் சிலரைத் தள்ளவும் உதைக்கவும் தொடங்குவதும் போன்ற காட்சியும் இடம்பெற்றிருந்தன. இச்சம்பவத்தால் ஆத்திரமடைந்த அப்பகுதி மக்கள் நூற்றுக்கணக்கானோா் திரண்டு வந்து சாலை மறியலில் ஈடுபட்டனா். புனித ரம்ஜான் மாதம் தொடங்குவதற்கு சில நாள்களுக்கு முன்பு இந்த சம்பவம் நிகழ்ந்துள்ளது.