நாளை தில்லி சட்டப் பேரவையில் வாஜ்பாய், மாளவியா உருவப் படங்கள் திறப்பு

‘பாரத ரத்னா’ அடல் பிஹாரி வாஜ்பாய் மற்றும் பண்டிட் மதன் மோகன் மாளவியா ஆகியோரின் உருவப்படங்களை தில்லி சட்டப் பேரவையில் பாதுகாப்புத் துறை அமைச்சா் ராஜ்நாத் சிங் சனிக்கிழமை (ஜனவரி 3) திறந்து வைக்கவுள்ளாா்.

ஓவியம், கட்டடக்கலை மற்றும் இலக்கியம் மூலம் வெளிப்படுத்தப்பட்ட இந்திய தேசியவாதத்தை முன்னிலைப்படுத்தும் பாரத மாதா என்ற தலைப்பிலான ஒரு காபி டேபிள் புத்தகமும் இந்த நிகழ்வில் வெளியிடப்பட உள்ளது.

இந்த வெளியீடு, இந்தியாவின் தேசிய உணா்வின் ஆக்கபூா்வமான மற்றும் கலை வெளிப்பாட்டிற்கு அா்ப்பணிக்கப்பட்டுள்ளதுடன், தேசிய கீதமான வந்தே மாதரம் இயற்றப்பட்டதன் 150 ஆண்டுகளை நினைவுகூரும் வகையிலும் அமைந்துள்ளது.

இந்த நிகழ்வில் தில்லி முதல்வா் ரேகா குப்தா ம் கலந்துகொள்ள உள்ளாா். இந்நிலையில், இது குறித்து விவாதிப்பதற்காக தில்லி காவல்துறை உள்பட பல்வேறு துறைகளின் மூத்த அதிகாரிகளுடன் தில்லி சட்டப் பேரவைத் தலைவா் விஜேந்தா் குப்தா ஒரு உயா்நிலைக் கூட்டத்தை நடத்தினாா்.

இக்கூட்டத்தின் போது, பாதுகாப்பு, கூட்ட மேலாண்மை, போக்குவரத்து ஒழுங்குமுறை, வாகன நிறுத்துமிட வசதிகள், தீ பாதுகாப்பு மற்றும் மருத்துவத் தயாா்நிலைக்கு சிறப்பு முக்கியத்துவம் அளித்து, நிகழ்ச்சி சீராக நடைபெறுவதற்கான முறையான ஏற்பாடுகளை உறுதி செய்யுமாறு குப்தா அதிகாரிகளுக்கு அறிவுறுத்தல்களை வழங்கினாா்.

இந்நிகழ்ச்சியில் சுமாா் 1,000 போ் கலந்துகொள்வாா்கள் என்று எதிா்பாா்க்கப்படுகிறது.

பாதுகாப்பான, ஒழுங்கான மற்றும் கண்ணியமான நிகழ்வை உறுதி செய்வதற்காக, சம்பந்தப்பட்ட அனைத்துத் துறைகளும் நெருங்கிய ஒருங்கிணைப்பைப் பேணுமாறு அறிவுறுத்தப்பட்டுள்ளன.

இதுகுறித்து விஜேந்தா் குப்தா கூறுகையில்,

தேச சேவைக்கும் ஜனநாயக விழுமியங்களை வலுப்படுத்துவதற்கும் தங்கள் வாழ்வை அா்ப்பணித்த இரண்டு உயா்ந்த தேசியத் தலைவா்களுக்கு இந்த உருவப்படங்களை நிறுவுவது ஒரு அா்த்தமுள்ள அஞ்சலியாகும் என்றாா் அவா்.