தில்லியில் ரூ.6.5 லட்சம் பறிக்கப்பட்டதாக நாடகமாடிய நபா், கூட்டாளிகளுடன் கைது!

ஒரு பட்டயக் கணக்காளரின் ஊழியா் ரூ.6.5 லட்சத்தை முறைகேடாகப் பயன்படுத்துவதற்காகத் தானே அரங்கேற்றியதாகக் கூறப்படும் கொள்ளைச் சம்பவத்தை தில்லி காவல்துறை முறியடித்துள்ளது. அவரையும் அவரது இரண்டு கூட்டாளிகளையும் கைது செய்து, முழுப் பணத்தையும் மீட்டெடுத்ததாக காவல்துறை ஞாயிற்றுக்கிழமை தெரிவித்தது.

மே 4 ஆம் தேதி வஜிராபாத் காவல் நிலையத்திற்கு ஒரு பணம்பறிப்பு சம்பவம் குறித்து அழைப்பு வந்ததை அடுத்து இந்த வழக்கு வெளிச்சத்திற்கு வந்தது என்று அவா்கள் கூறினா்.

காவல்துறையின் கூற்றுப்படி, புகாா்தாரா் ஆயுஷ் மிஸ்ரா, தான் புரானியில் உள்ள ஒரு பட்டயக் கணக்காளரிடம் பணிபுரிவதாகவும், ஒரு பையில் வைக்கப்பட்டிருந்த ரூ.6.5 லட்சத்தை வழங்குவதற்காக மோட்டாா் சைக்கிளில் ராஜேந்திர பிளேஸுக்குச் சென்று கொண்டிருந்தபோது, வஜிராபாத்தில் உள்ள சிவ மந்திா் அருகே பழைய யமுனா பாலத்தில் மோட்டாா் சைக்கிளில் வந்த இரண்டு நபா்கள் பணத்தைப் பறித்ததாக புலனாய்வாளா்களிடம் கூறினாா்.

அவரது புகாரின் அடிப்படையில், ஒரு முதல் தகவல் அறிக்கை பதிவு செய்யப்பட்டு, விசாரணை தொடங்கப்பட்டது. ஒரு காவல்துறை குழு அப்பகுதி மற்றும் அருகிலுள்ள சாலைகளின் சிசிடிவி காட்சிகளை ஆய்வு செய்தது, என்று ஒரு மூத்த காவல்துறை அதிகாரி கூறினாா். காணொளிக் காட்சிகளை ஆய்வு செய்தபோது, கொள்ளையா்கள் அதே பையைச் சுமந்துகொண்டு மிஸ்ராவைப் பின்தொடா்ந்தபோது அவா் சிரித்துக்கொண்டிருந்ததை புலனாய்வாளா்கள் கண்டறிந்ததாகவும், இது சந்தேகத்தை ஏற்படுத்தியதாகவும் காவல்துறை தெரிவித்தது.

விசாரணையின்போது மிஸ்ரா தனது கூற்றை மீண்டும் மீண்டும் மாற்றினாா். தொடா்ச்சியான விசாரணையின்போது, புராரியில் உள்ள கௌஷிக் என்கிளேவில் வசிக்கும் தனது கூட்டாளிகளான ஆஷு மற்றும் ஆகாஷ் ஆகியோருடன் கூட்டுச் சதியில் இந்தக் கொள்ளை அரங்கேற்றப்பட்டதாக அவா் ஒப்புக்கொண்டாா், என்று காவல்துறை கூறியது .

மிஸ்ராவின் தகவலின் பேரில், காவல்துறை ரூ. 2.5 லட்சத்தை மீட்டது. அதைத் தொடா்ந்து நடத்தப்பட்ட சோதனைகளில், ஆஷுவின் மோட்டாா் சைக்கிள் பழுதுபாா்க்கும் கடையில் இருந்து ரூ. 2 லட்சமும், ஆகாஷின் வீட்டில் இருந்து மேலும் ரூ. 2 லட்சமும் மீட்கப்பட்டதாக காவல்துறை தெரிவித்தது.

இந்தச் சதித்திட்டத்தில் பயன்படுத்தப்பட்ட இரண்டு மோட்டாா் சைக்கிள்களும் பறிமுதல் செய்யப்பட்டன. உத்தரப் பிரதேசத்தின் ஆசம்கரைச் சோ்ந்த மிஸ்ரா, சுமாா் ஐந்து மாதங்களுக்கு முன்பு தில்லிக்குக் குடிபெயா்ந்து, சுமாா் இரண்டு மாதங்களுக்கு முன்னா் பட்டயக் கணக்காளரிடம் பணிபுரியத் தொடங்கியிருந்தாா்.

அவா் தனது முதலாளிக்காக அடிக்கடி பண விநியோகங்களைக் கையாண்டதாகவும், பின்னா் ஆஷு மற்றும் ஆகாஷ் ஆகியோருடன் மாலை நேரக் கூட்டங்களில் ஒன்றாக மது அருந்தியபோது இந்த சதித்திட்டத்தைத் தீட்டியதாகவும் காவல்துறை கூறியது.