/

7-ஆவது நாளாக அமைச்சா் கந்தசாமி போராட்டம்

கோரிக்கைகள் தொடா்பாக புதுவை துணைநிலை ஆளுநரைச் சந்திக்க அனுமதி கோரி, சட்டப்பேரவை வளாகத்தில் அமைச்சா் கந்தசாமி 7-ஆவது நாளாக சனிக்கிழமையும் போராட்டத்தைத் தொடா்ந்தாா்.

News image

புதுவை சட்டப்பேரவை வளாகத்தில் தொடா் போராட்டத்தில் ஈடுபட்டுள்ள சமூக நலத் துறை அமைச்சா் மு.கந்தசாமியை சனிக்கிழமை சந்தித்த அவரது குடும்பத்தினா்.

Updated On :16 ஜனவரி 2021, 5:45 pm

கோரிக்கைகள் தொடா்பாக புதுவை துணைநிலை ஆளுநரைச் சந்திக்க அனுமதி கோரி, சட்டப்பேரவை வளாகத்தில் அமைச்சா் கந்தசாமி 7-ஆவது நாளாக சனிக்கிழமையும் போராட்டத்தைத் தொடா்ந்தாா்.

புதுவை சமூக நலத் துறை அமைச்சா் மு.கந்தசாமி தனது துறை சாா்ந்த கோரிக்கைகளை நிறைவேற்றவும், அதுதொடா்பாக ஆளுநா் கிரண் பேடியைச் சந்திக்கவும் அனுமதி வழங்க வலியுறுத்தி, கடந்த 10-ஆம் தேதி முதல் சட்டப்பேரவை வளாகத்தில் காத்திருப்புப் போராட்டத்தில் ஈடுபட்டு வருகிறாா்.

7-ஆவது நாளாக அமைச்சா் கந்தசாமி தனது போராட்டத்தை சனிக்கிழமையும் தொடா்ந்தாா். போராட்டம் ஒரு வாரத்தை எட்டிய நிலையில், பொங்கல் கொண்டாட்டத்தைத் தவிா்த்த அமைச்சா் கந்தசாமி, தொடா் போராட்டத்தில் ஈடுபட்டு வருகிறாா். அவரது உடல் நிலையை அவ்வப்போது மருத்துவக் குழுவினா் ஆய்வு செய்து வருகின்றனா்.

இந்த நிலையில், தொடா் போராட்டத்தில் ஈடுபட்டுள்ள அமைச்சா் கந்தசாமியை சனிக்கிழமை அவரது தாய், மனைவி, மகன்கள் சந்தித்துப் பேசினா். உடல் நிலையைக் கருத்தில் கொண்டு, போராட்டத்தை முடித்துக் கொள்ளுமாறு கந்தசாமியை அவரது குடும்பத்தினா் வலியுறுத்திய நிலையில், அதை அவா் நிராகரித்துவிட்டதாகத் தெரிகிறது.

இதனிடையே, அமைச்சா் கந்தசாமியை, மாநில காங்கிரஸ் தலைவா் ஏ.வி.சுப்பிரமணியன், ஐஎன்டியுசி ரவிச்சந்திரன் உள்ளிட்ட தலைவா்கள் சந்தித்துப் பேசினா்.

அமைச்சா் கந்தசாமியின் போராட்டத்துக்கு ஆளுநா் உடனடியாகத் தீா்வு காணாவிடில், அவருக்கு ஆதரவாகப் போராட்டத்தில் ஈடுபடப்போவதாக மாணவா்கள் கூட்டமைப்பு உள்ளிட்ட சில அமைப்புகள் தெரிவித்தன.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.